Na so zamaka-makao yaʼita, so lua-luania ba mbotoda hegöi ba wangera-ngerada. Tola manö göi tekiko wahuwusada khö Lowalangi na ataʼu ita ba ginötö lafaka-fakao ita börö wamatida. Hewisa wolumöʼöu yaʼugö moroi ba niha samaka-makao andrö?

Ato nono mbanua Yehowa si no mofozu ba wanaögö famakao börö me laʼodaligö Yehowa. (Si 18:17) Duma-dumania, barani Gesitera ba wanutunö faʼalösökhi sedöna ifalua Hamano. (Est 7:​1-6) Hana wa tola barani Gesitera? Fatua lö ifalua daʼö, fuasö ia ba wangoromaʼö wa iʼodaligö Yehowa. (Est 4:​14-16) Buania, ifahowuʼö nifalua Gesitera Yehowa ba ilumöʼö soinia.

Yaʼami si bohou ebua, na so zamaka-makao yaʼami, andrö wanolo moroi khö Yehowa ba fatunö ba niha salawa döfi moroi khömi na so gabula dödömi, duma-dumania khö zatuami. Yafaduhu dödömi wa hasambalö itolo ami Yehowa simane nifaluania khö Gesitera. Hadia nasa danö böʼö si tola mifalua ba ginötö so zamaka-makao yaʼami?

FAIGI VIDEO FAʼAURI NDRA SI BOHOU EBUA—HEWISA WANAÖGÖGU NA SO ZAMAKA-MAKAO YAʼO? BA BEʼE WANEMA LI BA WANOFU-NOFU DAʼA:

• Hadia wamahaʼö si tola lahalö iraono si bohou ebua moroi ba duma-duma Charlie hegöi Ferin?

  Fanema limö

• Hadia wamahaʼö si tola lahalö ira satua ba zalua khö Charlie hegöi Ferin sanandrösa ba wanolo iraonora na so zamaka-makao yaʼira?

  Fanema limö