Eryendereribwa lyanganaleka itwayowa muhanda. Kandi lyanganatsandya obwira bwetu haghuma na Yehova omughulu tukubaha abakatwendereraya. Neryo, twanganayiteya tuti okwendereribwa?

Abaghombe bangyi ba Yehova babiritoka erikinda eryendereribwa omwiyiketera Yehova. (Esy 18:17) Ng’eky’erileberyako, Esiteri mwabisula emipango mibi eyo Hamani abya nayo oko bandu b’oMungu. (Esi 7:1-6) Embere w’aho, Esiteri mwakangania ngoko abya ayiketere Yehova omwitsira akalyo. (Esi 4:14-16) Yehova mwatsumula ebyo akola n’erimuteya haghuma n’abandu biwe.

Inywe balwana n’abambesa, mwamabya imunemwendereribwa, musabe Yehova y’obuwatikya kandi mukaniraye omundu oyukulire, ng’ababuti benyu oko mwatsi oyo. Mwanganikirirya ngoko Yehova akendibawatikya ngoko awatikaya Esiteri. Ni kindi kyahi ekyo mwangakola mutoke erikinda eryendereribwa?

MUKWAME EVIDEO ENGEBE YAGHE Y’OBUSUKO​—NANGAYIRA NITI OMUGHULU ABANDI BAMANILETAKO OMWAGHA? NERYO MUSUBIRAYE OKO MABULYO ANO:

• Abalwana n’abambesa bamighaki oko eky’erileberyako kya mughala wetu Charlie na mwali wetu Ferin?

  Ekisubiryo kyaghu

• Ababuti banganighaki oko eky’erileberyako kya Charlie na Ferin ngoko banganawatikya abana babo erikinda omwagha?

  Ekisubiryo kyaghu