Kuvutishiwa kungacitishe kuti tinkhale okhumudwa na opanikizika. Kungaononge soti ushamwali wasu na Yehova makamaka ngati otivutisha osusha kulambila kwasu. Kansi mungaziteteze tyani kuli ŵanthu okuvutishani?

Atumiki anyinji a Yehova akwanisha kulimbana na oŵavutisha mwakudalila Yehova. (Sal 18:17) Mwacisanzo, Esitere ecita zinthu motang’a mtima mwa kuulula vinthu viipa venzofuna kucita Hamani. (Est 7:​1-6) Akaliyocita izi eonesha kudalila Yehova mwa kusala kulya. (Est 4:​14-16) Yehova edalisa zocita zake mwa kumuteteza pamozi na ŵanthu ŵake.

Acilumbwana, ngati munthu muyakine okuvutishani, mukosenga Yehova kuti akuyavyeni. Koma soti, mungakambe na munthu wacikulile monga kholo yanu za vuto yamukumana nayo. Mungankhale na cidalilo cakuti Yehova akuyavyeni monga ni mweciyavyila Esitere. N’cinji ciyakine camungacite kuti mulimbane na ŵanthu okuvutishani?

ONELELANI VIDYO YA MUTU WAKUTI UMOYO WANGU NIKALI WACILUMBWANA—KANSI NINGALIMBANE NAO TYANI ŴANTHU ONIVUTISHA? NDIPO PAVULI PAKE YANKHANI MAKONSHO AŴA:

• Kansi acilumbwana angaphunzilenji pa cisanzo ca Charlie na Ferin?

  Yankho yanu

• Kansi makolo angaphunzilenji kufumila kwa Charlie na Ferin zokhuza mwamene makolo angayavyile ŵana ŵao kulimbana na oŵavutisha?

  Yankho yanu