Kugopswedwa kungaticitise kuti tikhale wakusunama. Ifepano tikacita mantha na wanthu omwe akutigopswa kuti tisiye kutumikira Yahova, bzimwebzi bzingadzonge uxamwali bwathu na Yahovayo. N’ciyani comwe mungacite mukakhala mukugopswedwa?

Atumiki azinji wa Yahova adakwanisa kukunda pomwe akhagopswedwa mwa kuthemba Yahova. (Sl 18:17) Mwa ciratizo, Esteri adauza mambo bza ciwembo comwe munthu wakuipa Hamani akhadakonza. (Est 7:1-6) Pomwe akhanati kucita bzimwebzo, iye adalatiza kuti akhakhulupira Yahova mwa kubzimana kudya. (Est 4:14-16) Yahova adasimba bzomwe iye adacita ndipo adamukhotcerera pabodzi na wanthu wace.

Maswaka, mukakhala mukugopswedwa, mbakumbirani thandizo kwa Yahova ndipo mbacezani bza bvuto lomwe mukugumana nalolo na munthu omwe ngwakukhwima mwauzimu ayai na abereki wanu. Ndipo khalani na citsimikizo centse cakuti Yahova an’dzakuthandizani ninga momwe adacitira na Esteri. N’ciyani cinango comwe mungacite mukakhala mukugopswedwa?

ONANI VIDIYO YA MSOLO WAKUTI MOYO WA MASWAKA — KODI NINGACITE CIYANI NDIKAKHALA KUTI NDIKUBONERESEDWA NA ANZANGU? MUKAMALA BVUNZANI ABVESERI KUTI:

• Kodi maswaka yangapfunze ciyani na bzomwe Charlie na Ferin adacita?

  Mtawiro wanu

• Kodi abereki akupfunza ciyani na bzomwe Charlie na Ferin adalewa?

  Mtawiro wanu