Ukunyoziwa kubaghile ukutupangisya ukuti tutamiweghe fiyo aminong’ono. Kangi kubaghile ukupangisya ukuti ubumanyani bwitu na Yehova bungayagha bwamaka. Ngimba mbaghile ukwifighilila bulebule linga ngunyoziwa?

Ababombi bingi ba Yehova bamalene nukunyoziwa nabinabo mwakunsubila Yehova. (Sa 18:17) Mwakifwanikisyo, Estere ayobile ifindu ifibibi ifi Hamani alondagha ukubabombela. (Est 7:​1-6) Bo akali ukubomba isi, umwene anangisye ukuti ansubilagha Yehova mwakufipika ifyakulya. (Est 4:​14-16) Yehova alinsayile fiyo panongwa ya isi abombile kangi alimfighilile pampene na bandu bake.

Mwe bakilumyana, linga umundu yumo ikubanyoza, munsumeghe Yehova ukuti abatule kangi mumbuleghe umundu unkusi bo umpapi winu. Mubaghile ukusimikisya ukuti Yehova ikuya pakubatula bo muno alintulile Estere. Ngimba findu fiki ifingi ifi fibaghile ukubatula linga bikubanyoza?

KETELELA IVIDIYO IYAKUTI PAKABALILO AKA NDIMWANA—NGIMBA MBAGHILE UKUBOMBA ISYAFIKI LINGA ABANGI BIKUNNYOZA? KANGI UKUFUMA APO MUYOBESANIE AMALALUSYO AGHAKUKONGAPO AGHA:

• Ngimba abakilumyana babaghile ukumanyilako isyafiki kwa Charlie na Ferin?

  Your answer

• Ngimba abapapi babaghile ukumanyilako isyafiki ku isi Charlie na Ferin bayobile isyakufwana na muno babaghile ukubatulila abanabo linga bikunyoziwa?

  Your answer