Pya a para gbī ue dap i zip sa doo nu ebiire i bu. Ba dapnage ɔɛloo gbānialoo i nyɔɔnɛ Jɛhova ɛnia lo a le bɔɔ aa i sɔ̄ ba gbānasī i sīdee taāŋabah. Bu mɛ sīdee na o dap kpega oloo lɛɛloo nɛɛ a para gbī ue a?

Gbenɛ-edo pya a gaa taāŋabah Jɛhova edaba tāma taāŋa a aabah pya a para gbī ue tɛ̄maloo edɛɛa nyɔɔ Jɛhova. (Yɔɔ 18:17) Bu edoba, Esta bee kɔ ue sa muūna dɛ̄dɛɛ̄ pɔrɔ pɔrɔ nu ziī nɛɛ a para gbī ue sa lu bag a kura Haman aa bee nɔɔ. (Esta 7:1-6) Lɛɛ a gae muūna pya nu nɛɛ egbiā ue ama aa bee nɔɔ, a bee dasī tɔgɛ kɔ a dɛɛae nyɔɔ Jɛhova tɛ̄maloo kaɛ nuede le yere kara. (Esta 4:14-16) Jɛhova bee nɛ leelee Esta sa kpega alɛ le pya Ye nɛɛ.

Pya zege, lo a le ziī nɛɛ gbiā a ue, bara Jɛhova kɔ a yerebah a nɛ sa o kpɛa nɛ ziī nɛɛ enyima tura bu bɔŋanaloo, doodoo o tɛ ale o ka, dookɛ̄ Esta bee doo. Suā leere kɔ Jɛhova eyerebah a nɛ dookɛ̄ a bee yerebah nɛ Esta doo. Dɔɔ̄na ena o dap doo lokwa o dap tāma nɛɛ a para gbī ue a?

SI EE VIDIO A KURA SƆ̄ M LE LOP LE DƐRƐ ZUA—ENA M DOO SƆ̄ ALU EGBIĀ MƐ UE A? LƐƐ BUI AGARA PYA EBIP A NYƆƆNƐ AMA:

• Ena pya zege edap nɔ aāloo edoba Charlie le Ferin a?

  O ture

• Ena pya tɛ le ka edap nɔ aāloo pya nu Charlie le Ferin bee kɔ akiiloo kɛ̄ ba edap yerebah nɛ pya wa miɔŋɔ kɔ ba a tāma nɛɛ a para gbī ue doo a?

  O ture