ଲୋକମାନେ ଅନେକ ଉପାୟରେ ଆମକୁ ହଇରାଣ କରିପାରନ୍ତି । ସେମାନେ ଆମକୁ ଆଘାତ ପହଞ୍ଚାଇ ପାରନ୍ତି କିମ୍ବା ଯିହୋବାଙ୍କ ଉପାସନା କରିବାରୁ ରୋକିପାରନ୍ତି । ଏପରି ସମୟରେ ଆମେ ନିରାଶ ହୋଇପାରିବା । ଯଦି ଆମେ ବିରୋଧୀମାନଙ୍କୁ ଡରିଯିବା ତେବେ ଯିହୋବାଙ୍କ ସହ ଆମ ସମ୍ପର୍କ ଦୁର୍ବଳ ହୋଇପାରେ । ଏପରି ଲୋକମାନଙ୍କଠାରୁ ରକ୍ଷା ପାଇବା ପାଇଁ ଆମେ କʼଣ କରିପାରିବା ?

ଯିହୋବାଙ୍କ ଅନେକ ସେବକମାନଙ୍କୁ ହଇରାଣ କରାଗଲା ତେବେ ବି ସେମାନେ ଯିହୋବାଙ୍କ ଉପରେ ଭରସା ରଖିଲେ । ତେଣୁ ସେମାନେ ଏହି ସମସ୍ୟାର ସାମନା କରିପାରିଲେ । (ଗୀତ ୧୮:୧୭) ସେ ମଧ୍ୟରୁ ଜଣେ ଥିଲେ ଏଷ୍ଟର । ସେ ବହୁତ ସାହସର ସହ ଦୁଷ୍ଟ ହାମନ୍‌ର ପର୍ଦ୍ଦାଫାସ କଲେ । (ଏଷ୍ଟ ୭:୧-୬) କିନ୍ତୁ ଏସବୁ କରିବା ପୂର୍ବରୁ ସେ ଉପବାସ କଲେ । ଏପରି ଭାବେ ସେ ଯିହୋବାଙ୍କ ଉପରେ ଭରସା ରଖିଲେ । (ଏଷ୍ଟ ୪:୧୪-୧୬) ଯିହୋବା ତାଙ୍କୁ ଆଶିଷ ଦେଲେ ଓ ତାଙ୍କୁ ଓ ତାଙ୍କ ଲୋକମାନଙ୍କ ରକ୍ଷା କଲେ ।

କିଶୋର-କିଶୋରୀମାନେ ଯଦି କେହି ଆପଣଙ୍କୁ ବି ହଇରାଣ କରେ, ତେବେ ଯିହୋବାଙ୍କୁ ସାହାଯ୍ୟ ମାଗନ୍ତୁ । ଆପଣ ନିଜ ବାପାମାଆ କିମ୍ବା ବଡ଼ମାନଙ୍କ ସହ କଥା ହୁଅନ୍ତୁ । ଆପଣ ଭରସା ରଖିପାରିବେ ଯେ ଯିହୋବା ଆପଣଙ୍କୁ ସାହାଯ୍ୟ କରିବେ, ଯେପରି ସେ ଏଷ୍ଟରଙ୍କୁ କରିଥିଲେ । ତାʼଛଡ଼ା ଆପଣ ଆଉ କʼଣ କରିପାରିବେ ?

କିଶୋର-କିଶୋରୀ—ଯଦି କେହି ମୋତେ ହଇରାଣ କରେ ତେବେ ମୁଁ କʼଣ କରିବି ? ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ଚାର୍ଲି ଓ ଫେରିନ୍‌ଙ୍କଠାରୁ ଯୁବକଯୁବତୀମାନେ କʼଣ ଶିଖିପାରିବେ ?

  ଉତ୍ତର

• ଚାର୍ଲି ଓ ଫେରିନ୍‌ଙ୍କ କଥାଗୁଡ଼ିକରୁ ବାପାମାଆ ପିଲାମାନଙ୍କ ସାହାଯ୍ୟ କରିବା ବିଷୟରେ କʼଣ ଶିଖିପାରିବେ ?

  ଉତ୍ତର