Olketa bully savve spoelem iumi lo physical wei and mekem iumi feel nogud. Olketa savve spoelem spiritual saed blo iumi tu sapos iumi feel nogud taem olketa talem samting wea againstim worship blo iumi. Hao nao iu savve protectim iuseleva from wanfala bully?

Staka wea worshipim Jehovah olketa win for deal witim olketa bully bikos olketa depend lo Jehovah. (Ps 18:17) For example, Esther talemaot olketa nogud plan blo datfala wicked bully wea nem blo hem Haman. (Es 7:1-6) Bifor hem duim datwan, hem showimaot hem depend lo Jehovah taem hem fasting. (Es 4:14-16) Jehovah blessim wat hem duim and protectim Esther and pipol blo hem.

Olketa young wan, sapos iu deal witim wanfala bully, askem Jehovah for helpem iu and storyim datfala problem witim samwan wea mature, olsem parents blo iu. Iu savve sure Jehovah bae helpem iu olsem hem helpem Esther tu. Wat moa iu savve duim for deal witim wei for bully?

WATCHIM VIDEO TEENAGE LAEF BLO MI—HAO NAO MI SAVVE DEAL WITIM WEI WEA NARAWAN BULLYIM MI? AND THEN ANSAREM OLKETA KWESTIN HIA:

• Wat nao olketa young wan savve lanem from example blo Charlie and Ferin?

  Ansa blo iu

• Wat nao parents savve lanem from wanem Charlie and Ferin talem abaotem wei for helpem pikinini for deal witim wanfala bully?

  Ansa blo iu