Jeʼm bullying tsaam tantoʼyan̈jaampa y tan̈yaʼkwatpa. Pero siiga tan̈kɨɨn̈taʼmpa jempɨk tan̈teeñkamokyajpa, yɨʼp wɨap imalwaday jeʼm tan̈wɨnanɨgoʼoyi kun Jehová. ¿Juutypɨk wɨap inikupujta siiga miwadaytyaap bullying?

Jaʼyan̈yaj wɨaneʼ iyaʼachɨyyaj jeʼm bullying kun jeʼm Jehová iyooxpadoʼoyi (Sl 18:17). Juʼuts akwiñkejoʼoyi, Ester dyaʼ kɨɨn̈ y in̈mat tyityam iwattoʼoba idyɨk Hamán, tuum pɨɨxiñ tsampɨk maloj jempɨk ijooyixpa idyɨk jeʼm Dios ikumun (Est 7:​1-6). Pero wiñtyi, iwat ayuno, yɨʼɨmpɨgam ikwiñkej iga sɨʼ idyɨk ikuaʼmay jeʼm Jehová iyooxpadoʼoyi (Est 4:​14-16). Iga iwat juʼtspɨyam wɨa, Jehová ikumayket y kupujta jeʼ y ityumpɨy jeʼm tɨgan̈juj.

Siiga algun i miwadaʼyba bullying, wagaʼayɨ Jehová iga miyooxpaʼdyiñ y an̈madaʼayɨ jempɨk sɨʼ iññaskaʼ tuum jaʼamoyñewɨbam, juʼuts iñjaatun̈ o iñaapa. Y kupɨɨkɨ iga Jehová miyooxpaʼtpa juʼuts iyooxpaʼt Ester. ¿Tyiñam maaj wɨap in̈wat siiga miwadaytyaap bullying?

JESƗK YAJUM IÑAʼMTAʼM JEʼM VIDEO JESƗK MIMƗJABAM IÑXƗʼ: ¿TYI AN̈WATPA SIIGA AWADAYTYAAP BULLYING?, KUTSON̈TAʼAMƗ YƗʼPYAJ AKWAGOʼOYIYAJ:

• ¿Tyi wɨap ikuyujkayaj jeʼm traytyipɨxiñtyam y wooñyomtam kun jeʼm Charlie y Ferin iakwiñkejoʼoyi?

  Kutson̈oʼoyi

• ¿Tyi wɨap ikuyujkayaj jeʼm jaatun̈yaj kun yɨʼp video?

  Kutson̈oʼoyi