Aramas me kin lider kak kauwehla paliwaratail oh atail pepehm. Re pil kak kauwehla atail nanpwungmwahu rehn Siohwa ma kitail kin nohn masak arail uhwong atail kaudok. Ia duwen atail kak pere kitail sang aramas me kin lider?

Sapwellimen Siohwa tohnkaudok tohto powehdier kahpwal wet, sang ni arail kin koapworopworki Siohwa. (Me 18:17) Karasepe, Ester ndahda koasoandien Aman, ohl mwersuwed men me kin lider. (Est 7:​1-6) Mwohn Ester wia met, e kasalehda eh kin koapworopworki Siohwa sang ni eh kaisihsol. (Est 4:​14-16) Siohwa ketin kapaiahda eh wiewia kan oh pere ih oh sapwellime aramas akan.

Me pwulopwul kan, ma aramas emen lidereiuk, peki sawas rehn Siohwa oh koasoiaiong aramas laud men, me duwehte pahpa de nohno, duwen omw kahpwalo. Ke kak kamehlele me Siohwa pahn ketin seweseiuk duwehte eh ketin sewesehier Ester. Eri dahme ke pil kak wia ma aramas pahn lidereiuk?

KILANG KISIN KASDO MY TEEN LIFE—HOW CAN I COPE WITH BULLYING? OH MWURI SAPENGALA PEIDEK PWUKAT:

• Dahme me pwulopwul kan kak sukuhlki sang en Charlie oh Ferin ara mehn kahlemeng?

  Omw pasapeng

• Dahme pahpa nohno kan kak sukuhlki sang dahme Charlie oh Ferin koasoiahki duwen sewese seri kan en powehdi kahpwal en aramas eh kin lidere irail?

  Omw pasapeng