Shujtajcuna molestajpi o bulinta rurajpica ñucanchij cuerpotapish yuyaitapishmi llaquichincuna. Huaquinpica ñucanchij crishcacunamanta burlarijpimi Jehová Diosmanta caruyai tucunchij. Shinashpaca, molestajpica ¿imatataj rurai tucunchij?

Achca jovencunaca shujtajcuna molestajpi chai llaquicunata ahuantangapajca Jehová Diospaj ayudatami mashcashcacuna (Sl 18:17). Por ejemplo, Ester huarmica, Hamán runa judiocunata huañuchigrishcatami mana manchashpa reyman huillarca. Hamán runaca judiocunataca mana ricunayachijchu carca (Est 7:​1-6). Pero Ester reyman huillanaman manaraj rishpaca Jehová Diospi confiashcata ricuchingapajmi ayunarca (Est 4:​14-16). Chaita rurashcamantami Jehová Diosca paitapish judiocunatapish cuidarca.

Canta llaquichicujpi o molestacujpica Jehová Diospaj ayudatami mañai tucungui. Shinallataj cambaj mamitaman o papitomanmi ima tucucushcata huillana cangui. Ima shinami Jehová Dios Esterta ayudarca shinallatajmi cantapish ayudanga. Pero molestashpa catijpica, ¿ima ashtahuantaj rurana cangui?

HUAMBRACUNAPAJ CAUSAI: ¿MOLESTAJPICA IMATATAJ RURAI TUCUNI? NISHCA VIDEOTA RICUSHCA QꞌUIPACA CAI CATIJ TAPUICUNATA CUTICHI:

• ¿Huauqui Charliemanta, pani Ferinmantaca imatataj yachai tucungui?

  Respuesta

• ¿Cai videomantaca yaya mamacunaca imatataj yachai tucunguichij?

  Respuesta