Shujcuna ñucanchira yapajta turbachinujpi aichai, shungu ucui llaquichina ushan. Shinallara Diosta sirvingaj arcana ushanun ñucanchira yapajta manzhaira sintichisha. Canda turbachisha molestanujpi ¿imara rurana ushangui?

Ashcauna, turmindarishcara vinsina ushanuca Dios yanapaira mascashcamanda (Sl 18:17). Ester mana manzhaira charisha rimaca manali runa Hamán ima rurana munashcara (Est 7:​1-6). Caita manara rurashcallaira Ester Diospi quirishcara ricuchingahua yarcai pasaca (Est 4:​14-16). Jehová, Ester rurashcaunara bendiciaca shinallara paita paihua tucui llactaras cuiraca.

Malta, shujcuna canda turbachinujpi Jehovara yanapaira mañai shinallara shu ali iyaiyuj runara, camba yayara o mamaras ima pasashcara cuintai. Sirtu yachana angui Jehová, Esterda yanapashca cuinta candas yanapangami. ¿Ima mas rurana angui canda turbachinujpi?

MALTA ASHA: ¿IMARA RURASHA TURBACHINUJPI? VIDEORA RICUSHCA HUASHA, CATIJ TAPUIGUNARA CUTIPAI:

• Maltauna ¿imara yachana ushanguichi Charlie, Ferin shutiyujcunamanda?

  Cutipana

• Yayauna ¿imara yachana ushanun cai videomanda?

  Cutipana