Burlakuqkunaqa tukuy nisqankuwanmi hukmanyachiwachwan utaq maqawachwanpas. Chaymantapas Jehova Dios servisqanchikrayku burlakuwasqanchikta kasukuspaqa Diosmantam karunchakuyta qallaykuchwan. Chaynaqa pipas burlakuspa mana allinta ruwasuptikiqa, ¿imatam ruwawaq?

Jehova Diospi hapipakusqankuraykum Diosta serviqkunaqa burlakuqkunapa mana allin ruwasqankutaqa mana kasukurqakuchu (Sl 18:17). Chaynam karqa Esterpas, payqa mana manchakuspanmi kamachiq Asueroman nirqa Haman sutiyuq runa judio runakunata wañuchiy munasqanmanta (Est 7:​1-6). Manaraq kamachiqman willachkaspanmi ayunarqa Jehova Diospi hapipakusqanrayku (Est 4:​14-16). Chay ruwasqanraykum Estertaqa Dios bendeciykurqa hinaspapas llaqtantam salvaykurqa.

Musu-sipas, sichum burlakususpayki mana allinta pipas ruwasuchkanki hinaptinqa Jehova Diosmanyá willakuy. Willakuwaqtaqmi pipas yuyayniyuqman, taytayki utaq mamaykimanpas. Esterta hinam Jehova Diosqa yanapasunki, chaymantaqa amayá iskayrayaychu. ¿Imatawanraqmi ruwawaq pipas burlakuspa mana allinta ruwasuptiki?

MUSU-SIPAS KAQKUNAPAQ: ¿IMATAM RUWAYMAN WARMAMASIYKUNA BURLAKUWAPTINKU?, SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Musu-sipaskunaqa imatam yachanmanku Charlie hinaspa Ferinmanta?

  Qillqanapaq

• ¿Imatam tayta-mamakunaqa yachanmanku qawasqanchik videomanta?

  Qillqanapaq