Kan désèrtin i maltrèt anou, sa i pé amèn bann dézagréman pou nout kor é nou pé fé in déprésion. É si nou lès la pèr mont su nou kan banna i maltrèt anou akoz nout kroiyans, zot i pé mèm fébli nout lamitié èk Jéova. Alor koman protèj aou kont in moun k’i arèt pa mèt présion su ou toultan ?

Kan in bonpé sèrvitèr Jéova la fé maltrèt azot, banna la gingn rédi ansanm parské zot la kont su Jéova (Psom 18:17). Par égzanp, Éstèr la rouv son bouch pou dévoil sak Amane té kont fé, in moun kèr noir ké té arèt pa kraz bann juif (Ést 7:1-6). Avan fé sa, pou fé mont son konfians an Jéova, èl la pa manjé pandan in tan (Ést 4:14-16). Jéova la béni tout sak èl la fé é la protèj aèl, é son pèp osi.

Azot bann jèn, si in moun i fé présion su zot, domand Jéova son lèd é koz èk in gran moun ké va gingn soutien azot, par égzanp zot papa momon. Zot pé èt sur, Jéova va èd azot kom li la fé avèk Éstèr. Kosa i pé èd azot ankor pou tienbo dovan domoun i arèt pa fé présion su zot ?

ROGARD LO VIDÉO MON VI AN TANK JÈN : KOSA MI PÉ FÉ KAN I FÉ PRÉSION SU MOIN ?, APRÉSA RÉPOND BANN KÈSTION LA :

• Kosa bann jèn i pé aprann su légzanp Charlie èk Ferin ?

  Out répons

• Kosa bann paran i pé aprann su sak Charlie é Ferin la di, pou èd bann marmay maltrété par lé zot ?

  Out répons