Ο νταραϊπέ μπορίνελα τι ανέλ ντουκχ κο σώμας ντα κο γκι. Μπορίνελα επίσης τι κερέλ ζιάνι κι φιλία σο τθεράσα ι Ιεχωβάσαρ άμα νταρασάλαμ οντουλένταρ σο τζάνα κόντρα κι λατρεία αμαρί. Σαρ μπορίνεσα τι αρακχαβές-τουτ κατά νταραϊπέ;

Μπουτ υπηρέτες ι Ιεχωβάσκε επειδή στηρίντιβενας Λέστε μπορισάλε τι νικίνεν ο νταραϊπέ. (Ψλ 18:​17) Για παράδειγμας, η Εσθήρ κερντάς λάφι με θάρρος για τι βακερέλ ο πφιρνικανέ σχέδια εκχέ τζενέσκε σο βακερένας λέσκε Αμάν. (Εσθ 7:1-6) Πριν τι κερέλ-λες ανταβά, ασταρντάς νηστεία για τι σικαβέλ ότι ντέλα μπέσα κο Ιεχωβά. (Εσθ 4:14-16) Ο Ιεχωβά ευλογιντάς οντουλά σο κερντάς η Εσθήρ ντα αρακχαντάς λα ντα πο λαός.

Άμα ισινάν τερνό ντα κάποιος νταραβέλα-τουτ, μανγκ βοήθεια κατά Ιεχωβά ντα κερ λάφι ι προβλημάσκε σο τθερέσα εκχέ πο μπαρέ τζενέσαρ σο ισί ζουρανό κι πίστη, σαρ για παράδειγμας τι νταντέσαρ ντα τι νταγιάσαρ. Σίγουρα ο Ιεχωβά κα βοηθίνελ-τουτ σαρ βοηθιντάς την Εσθήρ-ντα. Σο γιαβέρ μπορίνεσα τι κερές για τι νικίνες ο νταραϊπέ;

ΝΤΙΚΧΕΝ Ο ΒΙΝΤΕΟΣ ΜΟ ΤΕΡΝΙΚΑΝΕ ΜΠΡΕΣΑ​—ΣΑΡ ΤΙ ΝΙΚΙΝΑΒ Ο ΝΤΑΡΑΪΠΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σο μπορίνενα τι σικλιόν ο τερνέ κατά παράδειγμας του Τσάρλι ντα της Φέριν;

  Τι απάντηση

• Σο μπορίνενα τι σικλιόν ο νταντά ντα ο νταγιά οντουλένταρ σο βακερντέ ο Τσάρλι ντα η Φέριν για τι ντικχέν σαρ κα βοηθίνεν πουμαρέ τσσαβέν τι νικίνεν ο νταραϊπέ;

  Τι απάντηση