Sɛ ebie sisi yɛ a, ɔmaa yɛwora bɔ, anaa yedi yalɛ paa. Afei koso, sɛ ebie hyɛ yɛ kyɛ yɛyakyi Yehowa sõen, na sɛ yɛmaa esuroen kã yɛ a, ɔkɔhora kɔsɛkye adamvoa bɔ yɛne Yehowa le ye ne. Yede, sɛ ebie sisi wɔ a, nzu yeɛ odikyɛ ɛyɛ ɔ?

Yehowa asomvoɛ pẽe yeɛ mmenia sisili bɛ ɔ, nakoso bɛfale bɛnwo bɛtole Yehowa so, yeti bɛhora begyinane yenoa. (Edw 18:17) Sɔ mmenia nemɔ nu kõ yeɛ ole Ɛseta. Haman bɔ ne yetianu yɛ se ne bɔle porɛ kyɛ okosisi Yehowa mmenia. Nakoso Ɛseta yɛle akɔngyere fahyirele kyɛ wafa yenwo wato Yehowa so. (Ɛst 4:​14-16) Afei, ɔmaa ɔhene ne nwuni ɛporɛ tɛ́ɛ bɔ né Haman abɔ ne. (Ɛst 7:​1-6) Yehowa yirale Ɛseta, na ɔbɔle ɔne Yudafoɛ nemɔ nwo waen.

Sɛ ɛte ababunu, na ebie sisi wɔ a, srɛ Yehowa kyɛ ɔboka wɔ. Afei koso, kã yenwo dwirɛ kyire wɔ awofoɛ anaa ebie bɔ yenwo akokwa ɔ. Sɛ ɛyɛ sɔ a, ɛkɔhora konya gyidie kyɛ Yehowa kɔboka wɔ, kyɛbɔ ɔbokale Ɛseta ne. Sɛ ebie sisi wɔ a, nzu biekũ yeɛ ɛkɔhora kɔyɛ ɔ?

NEA VIDIO BƆ YEƐ OLE, ME MMABUNU NU DWIRƐ—SƐ EBIE SISI ME A, NZU YEƐ NGƆYƐ Ɔ? NA YE NZƐMMISA HEMƆ NOA:

• Bɔ Charlie ne Ferin yɛle ne, nzu yeɛ mmabunu kɔhora kosũa kofi nu ɔ?

  Tworɔ wɔ mmuayɛɛ ne wura wa

• Bɔ Charlie ne Ferin hãne ne, sɛɛ yeɛ ɔkɔhora kɔboka awofoɛ mmerɛ bɔ ebie sisi bɛ mmamɔ ne?

  Tworɔ wɔ mmuayɛɛ ne wura wa