Mety hamango na hanao ze hahakivy antsika ty mpanerisery. Mety hanohitsy ty fivavahantsika mihintsy aza rozy, ka laha matahotsy tsika le ho simba ty fifandrambesantsika amy Jehovah. Ino ty azonao atao lafa misy manerisery anao?

Maro ty mpanomponi-Jehovah nahavita niatriky mpanerisery lafa niantehitsy tamy Jehovah. (Sl 18:17) Ohatsy raiky amy zay Estera. Nivolaniny tamy mpanjaka ty tetiky raty nataoni-Hamana. (Es 7:​1-6) Fe talohani-zay, le nifaly hany ie mba hampisehoa hoe miantehitsy amy Jehovah. (Es 4:​14-16) Nitahy ty ezaky nataony Jehovah ka narovany ie noho ty vahoakany.

Nareo tanora, mangataha fanampea amy Jehovah laha misy manerisery anareo. Resaho amin’olo matotsy koa problemo iny, ohatsy hoe ty ray aman-dreninao. Matokia fa hampeani-Jehovah iha manahaky ty nanampeany ani-Estera. Ino koa ty raha hafa azonao atao?

HENTEO TY VIDEO HOE TY FIAINANAY TANORA: INO TY HATAOKO LAHA MISY MANERISERY AHY AN-DAKILASY ANY?, BAKEO VALEO FANONTANEA RETOA:

• Ino ty azoni-tanora hianara baka amy Charlie noho Ferin?

  Valin-teninao

• Akory ty azoni-ray aman-dreny anampea ty anakiny laha hentea ty raha nivolanini-Charlie noho Ferin?

  Valin-teninao