E mafai e tagata fia malolosi ona faapogaia tigā i le itu faaletino ma faalogona. E mafai foʻi ona faavaivaia ai i tatou faaleagaga, pe a tatou fefefe i a latou teteega i la tatou tapuaʻiga. E faapefea ona puipuia oe mai i se tagata fia malosi?

E toʻatele tagata tapuaʻi o Ieova na taulau i le fesagaʻia o tagata fia malolosi, ona na faalagolago iā Ieova. (Sl 18:17) O se faaaʻoaʻoga, na faailoa e Eseta faufauga leaga a le tagata fia malosi o Hamanu. (Est 7:​1-6) A o leʻi faia faapea e Eseta, na ia faailoa atu lona faalagolago iā Ieova e ala i le anapogi. (Est 4:​14-16) Na faamanuia Ieova i ana taumafaiga ma puipuia o ia ma Ona tagata.

Talavou, pe a faileagaina oe e se tagata fia malosi, ia talosaga iā Ieova mo se fesoasoani ma talanoa i se tagata matua maufaatuatuaina, e pei o ou mātua. E mautinoa o le a fesoasoani Ieova iā te oe e pei ona ia faia iā Eseta. O le ā se isi mea e mafai ona fesoasoani iā te oe?

MAIMOA I LE VITIŌ LOʻU OLAGA TALAVOU—E FAAPEFEA ONA OU FESAGAʻIA LE SOONAFAI O AʻU E LE ʻAU FIA MALOLOSI?, ONA TALI LEA O FESILI NEI:

• O le ā e aʻoaʻoina e talavou mai i le faaaʻoaʻoga a Charlie ma Ferin?

  Tali

• E faapefea ona aogā i mātua faamatalaga a Charlie ma Ferin, i le auala e fesoasoani ai i fanau e feagai ai ma se tagata fia malosi?

  Tali