Kine bantu batusokozia, kunti twauzika ao kutioka saana mutima. Kunti balengia twainoona ni bukibuza bwetu pamo ni Yehova kine twaimona nangue twazyelekaniiwa musita ubapinga lupupo lwetu. Kunti wakita ki eevi wipususie kine bakusokozia?

Babombi bengi bakue Yehova, bali baviinda kuluisia buavia bwa kusokoziiwa kupitila kumuswapila Yehova. (Malum 18:17) Kwa mufuano, Esta waalandile juu ya kunti afiikule mipaango ibiipile yakue Hamani. (Est 7:1-6) Ntaanzi ya kunti alande, Esta waalangiliile nangue waali wamuswapiile Yehova paantu waalekeele ni kulia kwa musita fulani. (Est 4:14-16) Yehova waapaalile bikitua byakue Esta ni kumupususia weene pamo ni bantu bakue.

Mwe balumendo ni bakaziana, kine muntu wa kusokozia muloombe Yehova akukwasie, kabili mubuileko muntu mukulu bobo buavia bobe, nga evelia muviazi obe. Kunti waya wali ni kisinka nangue Yehova wakaba kukukwasia nga evelia vyaamukwasiizie Esta. Ni kintu ki kinge kili kukukwasia uluisie buavia bwa kusokoziiwa?

MONE VIIDEO ILANDILE BUIKAZI BWANE BWA BULUMENDO NI BUKAZIANA—KUNTI NAKITA KI KINE BANSOKOZIA? KISIA, ASUKE BIIPUZIO BILI PAAPA PENSINA:

• Balumendo ni bakaziana kunti basambilila ki ku mufuano wakue Charlie ni Ferin?

  Kyasuko kyobe

• Baviazi kunti basambilila ki ku milandu yalanda Charlie ni Ferin eevi babakwasie baana babo bamone kya kukita kine basokoziiwa?

  Kyasuko kyobe