Ngẽguma togü tüü̃ naügu, bemana ngúü̃ tingegü rü tangetchaü̃. Rü bemana nüü̃ naturaẽẽ i torü õ tchi nüü̃ imuü̃ẽgu ngẽguma togü nanagutchaẽẽgu i torü cuaꞌüü̃. Nhuãcü cugü ícupoü̃ nacaꞌ i cuü̃ üü̃?

Yeuwagu nayaõgagu muü̃ma ga norü duü̃ü̃gü rü yana namaã iĩnüẽ ya teé naweꞌ ningeü̃tanü. (Sal 18:17) Cuaꞌãtchiruü̃, Ité tama muü̃ãcüma nüü̃ niu i taꞌacü Amáü̃ naütchaü̃. (Est 7:1-6) Notürü, naü̃pa tüma rü tanaweꞌ na Yeuwagu tayaõ yeguma taauregu. (Est 4:14-16) Yemagagu Yeuwa naétü nawémeꞌ rü nüü̃ ínapoü̃ ga Ité rü norü duü̃ü̃gü.

Ngetüꞌüü̃gü rü paü̃gü, ngẽguma togü peü̃ naügu, Yeuwacaꞌ naca i norü ngü̃ẽẽ rü wüi duü̃ü̃ naãẽ i cuáü̃maã pidea, cuaꞌãtchiruü̃, perü papa rüeꞌna mama. Aicuma nagu cuyaõ na Yeuwa cuü̃ narüngü̃ẽẽ tá ngẽgumarüü̃ Itéü̃ narüngü̃ẽẽ. Taꞌacü yeera cuü tá na ngẽma gutchaü̃ü̃ curüporamaẽü̃caꞌ?

NÜÜ̃ NADAU I VÍDEO: PAÜ̃GÜARÜ RÜ NGETÜꞌÜÜ̃GÜARÜ MAÜ̃ — NHUÃCÜ NÜÜ̃ NARÜPORAMAẼ I BULLYING?. YICAMA NANGÃÜ̃:

• Taꞌacü Charlie arü rü Ferin arü cuaꞌruü̃ paü̃güü̃ rü ngetüꞌüü̃güü̃ nanguꞌẽẽ?

  Curü ngãü̃

• Taꞌacü Charlie arü rü Ferin arü oregü papagüü̃ rü mamagüü̃ nanguꞌẽẽ na naacügüü̃ narüngü̃ẽẽgüü̃caꞌ ngẽguma togü nüü̃ naügügu?

  Curü ngãü̃