XÓO KUWÁANʼ BI̱ NI̱NDXU̱LÚ CRISTIANOS
Á mu nuniaanʼ bullying, atambáyúminaʼ náa Jeobá
Rí munigínánʼlú ga̱jma̱a̱ ajngáa dí maʼnigawúnlú o i̱ʼwáʼ, naʼni gawúnlú wéñuʼ. Mú ma̱ngaa ma̱ndoo maʼni gachúu rí xóo nambájxulú gajmiúlú Jeobá á mu nuniʼñamijná mamiñulú gúni̱ bi̱ tsíñún gúyulú. Xú kaʼnii gándoo gátambáyuminaʼ á mu nuni̱ gínáán xá.
Mbaʼiin niʼngu̱u̱n niraʼníí dí naguma gíníi numuu rí niniña̱a̱nʼ dí Jeobá mambáñún (Sl 18:17). Mbá xkri̱da, Ester támiñúu ga̱jma̱a̱ niʼthí dí xtaa raʼni Hamán, mbáa xa̱bu̱ ra̱májáanʼ bi̱ naʼni gíníi xa̱bi̱i̱ Dios (Est 7:1-6). Mú ginii takuiʼtsu mu masngájma dí niku̱mu̱u̱ kaʼyoo Jeobá (Est 4:14-16). Jeobá niʼni tsajkurámáaʼ índo̱ niʼnimbánuu dí niʼthí maʼni, niñewu̱u̱n ikhaa ga̱jma̱a̱ xúgíinʼ xa̱bu̱ xuajin.
Jiámá, wa̱ʼxa̱ʼ, á mu xtaa raguma gínáá, atanda̱ʼa̱a̱ rí mambáyáaʼ Jeobá ga̱jma̱a̱ aratháán mbáa bi̱ nikhi̱i̱ ndiéjuunʼ xtaa ragíʼnaa, ma̱ndoo marata̱a̱n ru̱dáaʼ o ana̱a̱ʼ. Atayáá gajkhun dí Jeobá mambáyáaʼ xó má nimbáyúu Ester. Ndiéjuunʼ i̱ʼwáʼ ma̱ndoo matani̱ á mu naguma gínáá rá.
NDA̱WA̱Á RÍ NITAYÁÁ VIDEO NÁKHA NINDXA̱A̱ʼ DXÁMÁ O DXÁʼGÚ: DÍ GÁNI Á MU NUNIU̱Nʼ BULLYING RÁ. ATRIʼÑA̱A̱ GRAXE̱ RÍGI̱:
-
Ndiéjunʼ gándoo gajmañún jiámá ga̱jma̱a̱ wa̱ʼxa̱ʼ xkri̱da ndrígóo Charlie ga̱jma̱a̱ Ferin rá.
-
Ndiéjuunʼ gándoo gajmañún xa̱bu̱ bi̱ guáʼdiin e̱ji̱n náa video rígi̱ rá.