Epedorete itunga luiswamanakinete oni erono aitipipil oni kotoma akuan ka aomisio da. Epedorete bobo kesi amunaar eidicanewok keda Yawe arai icamak oni aitukurianetakec aisimik oni aima Yawe. Epone ani ipedoria jo ayuwar akuanakon kaneejai itunganan yeniswamakini jo erono?

Apedosi ejaanakinak luka Yawe luipu, akerianar kotoma aipikor ngul luiswamanakinete kes aronis kopone lo kes amunokina Yawe. (Sab 18:17) Kwape aanyunet, abu Esita otitingor einer nuikamunitos aitemonokineta nuka ekaronon Kaman. (Est 7:​1-6) Eringa nges iswamauna ngun, abu ngesi itodu ebe amunokina ngesi neejai Yawe kopone lo ailung. (Est 4:​14-16) Abu Yawe isirereng nges kanuka aswamisioitike ido abu koyuwa Esita ka itungake.

Atumunak, arai itereikinos jo keda itunganan yenekot aiswamakin jo erono, kilip Yawe ingarak jo ido inerakinos keda itunganan yenepol kwape nat aurianikon kanuikamunitos ationis ngin. Kojaas amun ebe ingarakini Yawe jo kwape abu ngesi ingarakinia Esita. Inyo bobo ipedori jo aswam kanu aipikor itunganan yeniswamakini jo erono?

KOSESENATA EBIDIO AIJARAKA NAKA ATUMUN​—EPONE ANI EPIKORIA EONG NGUL LUISWAMANAKINETE EONG ERONO? KOSODETE ABONGONOKIN AINGISETA NUTA:

• Inyo epedorete atumunak aisisiaun kaneejai aanyunet naka Charlie keda Ferin?

  Abongokinetekon

• Inyo epedorete auriak aisisiaun kaneejaas akirokec Charlie keda Ferin kanuikamunitos aingarakin idwe aipikor luiswamakinite kesi erono?

  Abongokinetekon