Esolanyi koka tosha paa lo demba ndo lo yimba. Vɔ koka monga la shɛngiya ya kɔlɔ lo diɔtɔnganelo diaso la Jehowa, naka sho mboka wɔma etena kalɔsha anto ɔtɛmwɛlɔ aso. Ngande wakokayɛ ndjakokɛ etena kakosolawɔ?

Atɛmɔdi wa Jehowa efula wakashike tanga la ntondo k’esolanyi lo ndjaɛkɛ le Jehowa. (Os 18:17) Ɛnyɛlɔ, Ɛsta akatɛkɛta la dihonga dia mbishola kɛnɛ kakakongɛ Hamana. (Ɛst 7:​1-6) Ntondo ka nsala dui sɔ, nde akɛnya dia nde akayaɛkɛka le Jehowa lo nkila mbo ya ndɛ. (Ɛst 4:​14-16) Jehowa akatshɔkɔla kɛnɛ kakandasale ndo akokokɛ nde l’ase wodja ande.

Ɛlɔngɔlɔngɔ l’esekaseka le, etena kanyosolawɔ, kanyɔlɔmbake Jehowa ekimanyelo ndo kanyotɛke opalanga ɔmɔtshi dui sɔ, ɛnyɛlɔ ambutshi anyu. Nyu koka monga l’eshikikelo dia Jehowa ayonyokimanyiya woho wakandakimanyiya Ɛsta. Kakɔna kakokanyu nsala nto dia nshika ntanga etena kanyosolawɔ?

NYENDE VIDƐO YELE L’ƆTƐ A DUI ƆNƐ: NSHI YAMI YA DIKƐNDA—NGANDE WAKOKAMI NDƆSHANA L’ESOLANYI? NDO OMA LAASƆ, NYOKADIMOLE LO AMBOLA WAYELA ANƐ:

• Wetshelo akɔna wakondja ɛlɔngɔlɔngɔ l’esekaseka oma l’ɛnyɛlɔ ka Charlie nde la Ferin?

  Okadimwelo ayɛ

• Wetshelo akɔna wakondja ambutshi oma l’ɛtɛkɛta wa Charlie nde la Ferin dia nkimanyiya anawɔ dia nshika ntanga etena kasolawɔ?

  Okadimwelo ayɛ