Ko e kau houtamakí ʻe lava ke nau fakatupunga ʻa e mamahi fakaesino mo fakaeongo kiate kitautolu. ʻE lava foki ke nau uesia fakalaumālie kitautolu kapau ʻoku tau hoko ʻo ilifia ʻi heʻenau fakafepakiʻi ʻetau lotú. ʻE anga-fēfē haʻo maluʻi koe mei ha tokotaha houtamaki?

Ko e tokolahi ʻo e kau lotu ʻa Sihová kuo nau fehangahangai lavameʻa mo e kau houtamakí ʻaki ʻa e falala kia Sihova. (Saame 18:17) Ko e fakatātaá, naʻe lea loto-toʻa ʻa ʻĒseta koeʻuhi ke fakaeʻa ʻa e ngaahi palani ʻa ha tokotaha houtamaki anga-fulikivanu ko Hāmani. (ʻĒseta 7:​1-6) Ki muʻa ke ne fai iá, naʻá ne fakahāhā ʻene falala kia Sihová ʻaki ʻa e ʻaukai. (ʻĒseta 4:​14-16) Naʻe tāpuakiʻi ʻe Sihova ʻene ngaahi ngāué pea maluʻi ia mo Hono kakaí.

Toʻutupu, kapau ʻokú ke fehangahangai mo ha tokotaha houtamaki, kole kia Sihova ki ha tokoni pea talanoa hoʻo palopalemá ki ha tokotaha lahi matuʻotuʻa hangē ko hoʻo ongo mātuʻá. ʻOku lava ke ke fakapapauʻi ʻe tokoniʻi koe ʻe Sihova hangē ko ʻene tokoniʻi ʻa ʻĒsetá. Ko e hā mo ha toe meʻa ʻe lava ke ke fai ke fekuki ai mo e houtamakí?

SIO ʻI HE VITIŌ ʻI HEʻEKU TAʻU HONGOFULU TUPÚ—ʻE LAVA FĒFĒ KE U FEKUKI MO E HOUTAMAKÍ?, PEA TALI LEVA ʻA E ONGO FEHUʻI KO ENÍ:

• Ko e hā ʻe lava ke ako ʻe he toʻutupú mei he faʻifaʻitakiʻanga ʻa Charlie mo Ferin?

  Ko hoʻo talí

• Ko e hā ʻe lava ke ako ʻe he ngaahi mātuʻá mei he fakamatala ʻa Charlie mo Ferin fekauʻaki mo hono tokoniʻi ʻa e fānaú ke fekuki mo e houtamakí?

  Ko hoʻo talí