Basikutupenzya balakonzya kutucisa naa kutupenzya mumizeezo. Alimwi buya balakonzya kucinyonganya cilongwe cesu a Jehova ciindi nobabukazya bukombi bwesu. Ino mbuti mbomukonzya kulikwabilila kuli basikupenzya?

Bakombi ba Jehova banji bacikonzya kuliyumya kuli basikupenzya kwiinda mukusyoma Jehova. (Int. 18:17) Mucikozyanyo, Esita wakaambaula kutegwa ayubunune makanze ngaakajisi sikupenzya mubi Hamani. (Es. 7:​1-6) Pele katanacita oobo, wakatondezya kuti wakali kusyoma Jehova kwiinda mukuliimya kulya. (Es. 4:​14-16) Jehova wakamulongezya alimwi wakamukwabilila walo abantu bakwe.

Nobakubusi, ikuti muntu uumwi wamupenzya, amulombe Jehova kuti amugwasye alimwi amwaambaule amuntu uusimide, mbuli bazyali banu, kujatikizya penzi eelyo. Mulakonzya kuba masimpe kuti Jehova uyoomugwasya mbuli mbwaakagwasya Esita. Ino ncinzi cimbi ncomukonzya kucita kutegwa muliyumye kukupenzyegwa?

AMWEEBELELE KAVIDIYO KAKUTI BUKUBUSI BWANGU—NCINZI NCONDIKONZYA KUCITA NONDIPENZYEGWA? MPOONYA MWIINGULE MIBUZYO IITOBELA:

• Ino ncinzi bakubusi ncobakonzya kwiiya kuli Charlie a Ferin?

  Bwiinguzi

• Ino ncinzi bazyali ncobakonzya kwiiya kumajwi a Charlie alimwi a Ferin kujatikizya mbobakonzya kugwasya bana babo kuliyumya ciindi nobapenzyegwa?

  Bwiinguzi