JA SAKʼANIL JA YAʼTIJUM DYOS
Jipa akʼujol bʼa Jyoba ta wala «ixtalaji»
Ja ixtalaneli jelni xbʼobʼ yakitik syajal sok oj syajbʼesotik ja bʼa jastal wa xkabʼ ayotik. Cha wani xbʼobʼ sjom ja jastal wa xkila jbʼajtiksok ja Jyoba ta wala xiwtikyuj ja matik kontra ayesok ja skʼuʼajel kiʼojtik. ¿Jas oja kʼuluk bʼa oja koltabʼaj ta wala ixtalaji?
Jitsan skʼuluneje ganar ja ixtalanel yuja sjipunej skʼujole bʼa Jyoba (Sl 18:17). Jun sjejel, ja Ester mini xiwi sok xchiktes ja jasa wan xchapjel ja Hamán, jun winik malo bʼa wa xyixtalan ja xchonabʼ ja Dyos (Est 7:1-6). Pe bʼajtanto oj skʼuluk, stekʼa waʼin bʼa sjeʼa wa sjipa skʼujol bʼa Jyoba (Est 4:14-16). Ja Jyoba ya koʼyi slekilal ja jas skʼulan ja Ester, stalnay sok cha jachuk ja xchonabʼi.
Keremtik akʼixuk, ta wanex ixtalajel, kʼanayi a-skoltaya ja Jyoba sok alayabʼ june maʼ takʼanxa, jastal jawa nani ma jawa tati. Wani xbʼobʼ ajyan seguro ke ja Jyoba ojni skoltaya jastalni skoltay ja Ester. ¿Jas mas oj bʼobʼa kʼuluk ta wala ixtalaji?
YAJNI ILXITA JA BIDEO YAJNI SOLTEROʼAXA: ¿JAS OJ KʼULUK TA WALA IXTALAJIYON?, AYI SJAKʼJEL JA SJOBʼJELIK IT:
-
¿Jas wa xbʼobʼ snebʼe ja keremtik akʼixuk sbʼaja sjejel bʼa Charlie sok Ferin?
-
¿Jasa wa snebʼawe ja nantatalik ja bʼa bideo it?
