Ku hluphiwa swi nga endla leswaku hi tshikileleka. Loko hi chuha loko va kaneta vugandzeri bya hina, swi nga onha vuxaka bya hina na Yehovha. U nga tisirhelela njhani loko u hluphiwa?

Vagandzeri vo tala va Yehovha va swi kotile ku langutana ni ku hluphiwa hikwalaho ka leswi va titshegeke hi Yehovha. (Ps 18:17) Hi xikombiso, Estere u paluxe makungu ya Hamani wanuna loyi a a ri ni ni mbilu yo biha. (Est 7:​1-6) Loko Estere a nga se endla tano, u kombise leswaku u titshege hi Yehovha hi ku titsona swakudya. (Est 4:​14-16) Yehovha u katekise swiendlo swa Estere, a sirhelela yena swin’we ni vanhu va ka vona.

Vantshwa, loko mi hluphiwa kombelani Yehovha a mi pfuna naswona vulavulani ni munhu loyi a kuleke hi xiphiqo xa n’wina, kumbe vatswari va n’wina. Mi nga tiyiseka leswaku Yehovha u ta mi pfuna hilaha a pfuneke Estere hakona. Hi swihi swin’wana leswi u nga swi endlaka leswaku u tiyisela ku hluphiwa?

HLALELANI VHIDIYO LEYI NGE, VUNTSHWA BYA MINA—NDZI NGA LANGUTANA NJHANI NI KU HLUPHIWA? KUTANI MI HLAMULA SWIVUTISO LESWI LANDZELAKA:

• Vantshwa va nga dyondza yini eka xikombiso xa Charlie na Ferin?

  Nhlamulo ya wena

• Vatswari va nga dyondza yini eka leswi vuriweke hi Charlie na Ferin mayelana ni ku pfuna vana va vona leswaku va tiyisela ku hluphiwa?

  Nhlamulo ya wena