Engaksïni bullying úchijka, jamberiksïni atajti ka no sésiksïni pʼikuastani. Ka ístu, engachi chérhiaska imeechani engaksï no jaiapanhentajka ambe engachi jakajkujka, úpirindiksï úni eskachi nóteru xáni sési pájperapiringia Tata Diosï Jeoba jingoni. ¿Amberi uaa úni parari kuájpikuarhini ka nóksïni no sési úchini?

Uánikua Jeobaeri marhuariichaksï ústia orhepani uérani Tata Diosï Jeobaeri jarhuajperata jimbo (Sl 18:17). Pori ejemplu, Esteri kánikua balori xarhataspti ka uandantaspti na enga Amáni, achamasï ma enga kánikua no ambakepka, no sési kámeenga Tata Diosïiri iretani (Est 7:​1-6). Peru antede ísï úni, no tʼirespti máru jurhiatikuecha jimbo para xarhatani eska mintsikasïreenga Tata Diosï Jeobani (Est 4:​14-16). Tata Diosï Jeoba újchakuraspti Esterini jimboka no ísku pakaraspka, ka kuájchakuspti imani ka iámu iretani.

Tumbi, engakeni nema bullying úchini jaka, kurhaku Tata Diosï Jeobani eskakeni jarhuataaka ka uandontskuarheku nemani enga sánderu jánhastiika. Pori ejemplu, aiangua chiiti taatini o chiiti naandini. Uaakari seguru jarhani eskakeni Tata Diosï jarhuataaka ísï eska na jarhuatapka Esterini. ¿Amberi uaa úni engakeni nema bullying úchini jaka?

ENGAJTSÏ EXEAKIA BIDEUNI ENGARI TUMBIJKA: ¿AMBE UAA ÚNI ENGAJTSÏNI BULLYING ÚCHIAKA?, MÓKUANTA JE INI KURHAMARHIKUECHANI:

• ¿Ambeksï uaa jorhenguarhini tumbiicha Charlieri ka Feriniiri ejemplu jingoni?

  Mókuntskua

• ¿Ambeksï uaa jorhenguarhini taatiicha ini bideu jingoni?

  Mókuntskua