E mafai ne tino fakasaua o fakalogo‵mae mai kae fai i ei tatou ke fanoa‵noa. E mafai foki o fakavāi‵vai mai ki ‵tou feitu faka-te-agaga māfai e ma‵taku tatou i te taimi e ‵teke mai i ei ki te ‵tou tapuakiga. E mafai pefea o puipui ne koe a koe eiloa mai se tino amio fakasaua?

Mai te fakalagolago ki a Ieova ne manumalo ei Ana tino tapuaki i te fakafesagai atu ki tino fakasaua. (Sal 18:17) E pelā me se fakaakoakoga, ne faipati ‵tonu atu a Eseta mai te fakaasi atu a palani a te tino amio fakasaua ko Hamanu. (Est 7:​1-6) Koi tuai o fai penā, ne fakaasi atu ne ia te fakalagolago ki a Ieova mai te fakalikiliki. (Est 4:​14-16) Ne fakamanuia ne Ieova ana gasuesuega kae puipui tou fafine mo ana tino.

Talavou, kafai e fakasaua koe ne se tino, akai atu ki a Ieova mo se fesoasoani kae faipati atu ki se tino telā e matua ‵lei, e pelā mo ou mātua, e uiga ki ou fakalavelave. E talitonu koe me ka fesoasoani atu a Ieova ki a koe e pelā mo tena fesoasoaniatuga ki a Eseta. Ne a nisi mea e mafai ne koe o fai ke fakafesagai atu ki tino fakasaua?

KE ONOONO KI TE VITIO TOKU OLAGA FAKATALAVOU—E FAKAFESAGAI ATU PEFEA AU KI TINO FAKASAUA? KAE TALI AKA FESILI KONEI MAI LALO:

• Ne a mea e tauloto ne talavou i fakaakoakoga a Charlie mo Ferin?

  Tau tali

• Ne a mea e mafai o tauloto ne mātua mai i manatu o Charlie mo Ferin e uiga ki te fesoasoani atu ki tamaliki ke fakafesagai atu ki tino amio fakasaua?

  Tau tali