Anhu anosingirira angakwanisa kutikuwadza mu mwiri uye mu ndangariro. Awona angatokwanisa kutikuwadza pakunamata kana tikathya paanonga eciphikisa kunamata kedu. Mungadzidziirira kudini ku anhu anosingirira?

Anamati a Djehovha akawanda akakwanisa kubudirira zvakanaka paaibatana no anhu anosingirira ngekugonda Djehovha. (Pis 18:17) Ngo muezaniso, Esteri wakareketa kuti abudise pamhene mazano e mudzvinyiriri wakashata waizwi Hamani. (Est 7:1-6) Asati aita izvona, iyena wakapangidza kugonda kake Djehovha ngekutsanya. (Est 4:14-16) Djehovha akakomborera maitiro ake uye akadziirira iyena no anhu ake.

Madjaha, kana imwimwi mukabatana no munhu unosingirira, kumbirai rubetso kuna Djehovha uye bhuyai no munhu wakakura pakunamata, zvingaita umwe we abereki. Imwimwi mungakwanisa kugara no rugondo rekuti Djehovha acamubetserai hinga mushobo waakabetsera Esteri. Mungaitei pamunonga mecisingirirhwa?

ONAI VHIDHIYO YAKAZWI UPENYU WE MADJAHA—NDINGABATANA KUDINI NO KUSINGIRIRHWA, PEDZEPO DAIRAI MIBVUNZO INOTEERA:

• Madjaha angafundei no muezaniso wa Charlie’s uye Ferin’s?

  Mhinduro yenyu

• Abereki anofundei no zvabhuiwa na Charlie’s uye Ferin’s kuti angabetsera kudini ana awo paanosongana no kusingirirhwa?

  Mhinduro yenyu