KAKʼTIK TA ILEL TE JCHʼUUNOJTIK DIOSE
Teme ya awichʼ utsʼinel, kʼanbeya koltayel te Jehová
Te utsʼinel o te bullying ya xjuʼ ya yakʼ jwokoltik sok te ma lek ya kaʼiy jbatik yuʼun. Jaʼnix jich ya yutsʼin te bitʼil kamigoinoj jbatik sok te Jehová, teme ya kakʼ xiwtesotik te machʼatik ma smulanik te bin jchʼuunojtike. ¿Bin-utʼil ya xjuʼ ya akanantay aba teme ya awichʼ utsʼinel?
Bayal machʼatik juʼem yuʼunik stsalel te utsʼinel o te bullying, melel jaʼ ya skʼanbeyik koltayel te Jehová (Sl 18:17). Jich bitʼil te Ester, te ma xiw sok la yal ta jamal te bin snopoj ya spas te Hamán, te jaʼ jtul chopol winik te la yutsʼin te lum yuʼun Dios (Est 7:1-6). Te bin nail la spase, jaʼ te la skom sweʼel yuʼun ya skʼanbey koltayel te Jehová (Est 4:14-16). Ta swenta te bin la spas, te Jehová la yakʼbey bendición te Ester sok te judioetike.
Jchʼiel, teme ya awichʼ utsʼinel, kʼanbeya koltayel te Jehová sok albeya te machʼa ayix yaʼbilal te bin yak ta kʼaxel ta atojol, jich bitʼil te apapa o te amama. Yame skoltayat te Jehová jich bitʼil la spas ta stojol te Ester. ¿Binxan ya xjuʼ ya apas teme ya awichʼ utsʼinele?
KʼALAL LA AWILIX-A TE VIDEO TE JKUXLEJAL KʼALAL JCHʼIELONTO-A: ¿BIN YA JPAS TEME YA KICHʼ UTSʼINEL TA ESCUELA?, AKʼBEYA SUJTIB TE JOJKʼOYELETIKE:
-
¿Bin ya xjuʼ ya snopik te jchʼieletik ta swenta te ejemplo yuʼun te Charlie sok te Ferin?
-
¿Bin ya xjuʼ ya snopik te meʼil tatiletik ta swenta te video ini?
