Li utilanele (bullying) xuʼ me xakʼ vul oʼonton. Pe xuʼ me mu xa lekuk xkil-o jbatik xchiʼuk Jeova xtok mi chijxiʼ-o yuʼun kʼusi chalik li buchʼutik tskontrainik li kʼusi jchʼunojtike. ¿K’usi xuʼ xapas mi chavichʼ utilanele?

Ep buchʼutik tsalem yuʼunik li utilanele, yuʼun la spat yoʼontonik ta stojolal Jeova (Sl 18:17). Jun skʼelobile, jaʼ li Ester ti tsots yoʼontone xchiʼuk ti jamal laj yalbe ajvalil kʼusi snopoj ox tspas li Amane, jun chopol vinik ti chutilanbe steklumal Jeovae (Est 7:​1-6). Pe baʼyel la spas ayuno sventa xakʼ ta ilel ti spatoj yoʼonton ta stojolal Jeovae (Est 4:​14-16). Li Jeovae laj yakʼbe bendision ta skoj li kʼusi la spase, vaʼun la xchabi Ester xchiʼuk li steklumale.

Kerem tsebetik, mi yakal chavichʼ utilanele, kʼanbo koltael Jeova xchiʼuk albo junuk avamigo ti oy xa sjabilale o albo atot o ameʼ. Teuk me ta ajol ti ta onoʼox skoltaot Jeova jech kʼuchaʼal la skolta li Estere. ¿Kʼusi yan xuʼ xapas mi chavichʼ utilanele?

MI LA AKʼELIK LI VIDEO KʼALAL KEREM TSEBUTIKE: ¿KʼUSI XUʼ JPAS MI CHUTILANIKUNE?, TAKʼIK LI SJAKʼOBILTAK LIʼE:

• ¿Kʼusi xuʼ xchanik ta stojolal Charlie xchiʼuk Ferin li kerem tsebetike?

  Tsʼibao li stakʼobile

• ¿Kʼusi xuʼ xchanik totil meʼiletik li ta video liʼe?

  Tsʼibao li stakʼobile