Ihwo ri shenyẹ ohwo sa so omaẹkuọn vẹ ọkuọrọn kẹ avwanre. Ayen se tobọ miovwo oyerinkugbe ra vẹ Jihova vwori siẹrẹ avwanre da vwẹ uphẹn kẹ ẹvwọsuọ rayen nẹ ọ djoshọ mu avwanre. Mavọ wọ sa vwọ sẹro rẹ oma wẹn nẹ abọ rẹ ohwo ro shenyẹ ihwo?

Ihwo buebun re ga Jihova se phi oshenyẹ kparobọ re womarẹ ukẹcha ri Jihova. (Un 18:17) Kerẹ udje, Ẹsta ta ota phia rọ nẹrhẹ a sa mrẹ aphiphẹn rẹ Haman rọ jiroro rẹ umiovwo. (Ẹs 7:​1-6) Tavwen o ki ru ọtiọyen, o djephia nẹ ọ vwẹroso Jihova womarẹ o vwo chiri owẹnvwe. (Ẹs 4:​14-16) Jihova de bruba ẹgbaẹdavwọn rọyen na je sẹro rọyen kugbe ihwo rọyen.

Ighene, ohwo de shenyẹ wẹ, nokpẹn rẹ ukẹcha mie Jihova ji nene ohwo ro tedje kerẹ ọsẹ yẹrẹ oni wẹn ta ota kpahen ebẹnbẹn wẹn na. Jo muwẹro nẹ Jihova cha chọn wẹ uko kirobo rọ je chọn Ẹsta uko. Die ọfa wo se ru vwo yerin ghene oshenyẹ?

NI IVIDIO NA AKPEYEREN RẸ ỌKE EGHENE MẸ—MAVỌ MI SE VWO YERIN GHENE ẸVWỌSUỌ? RERE WỌ KPAHENPHIYỌ ENỌ NANA:

• Die yen ighene se yono vwo nẹ idje rẹ Charlie vẹ Ferin rhe?

  Ẹkpahọnphiyọ wẹn

• Die yen emiọvwọn se yono vwo nẹ oborẹ Charlie vẹ Ferin ta kpahen a vwọ chọn emọ uko vwo yerẹn ghene oshenyẹ?

  Ẹkpahọnphiyọ wẹn