When people de always find our trouble, e fit de pain us for body and we no go de happy again. If we allow the things wey them de do to show say them dey against our worship to make us fear, e fit affect our friendship with Jehovah. How you fit protect yourself from person wey de like to find your trouble?

Many servant of Jehovah don fit handle this kind problem as them de trust Jehovah. (Ps 18:17) For example, Esther no keep quiet when Haman wey be wicked person plan to destroy Jehovah people, e tell the king about the plan. (Es 7:1-6) Before Esther tell the king, e do fasting to show say e trust Jehovah to help-am. (Es 4:14-16) Jehovah bless this thing wey Esther do. E protect Esther and E people.

Young people, beg Jehovah to help you when person de always find your trouble. Tell mature person like your papa and mama about the problem. You fit dey sure say Jehovah go help you just as e help Esther. Which other thing you fit do to handle this kind problem?

WATCH THE VIDEO MY LIFE AS YOUNG PERSON—WETIN I FIT DO IF PERSON DE FIND MY TROUBLE? AND AFTER, MAKE UNA ANSWER THIS QUESTIONS:

• Wetin Young people fit learn from Charlie and Ferin example?

  Your answer

• Wetin papa and mama fit learn from the things wey Charlie and Ferin talk about how to help their children when them de face this kind problem?

  Your answer