Ŵandu pakutulagasya mpaka atuwulasye soni kututendekasya kuti tulagasicheje nganisyo. Jemanjaji pakusisya kulambila kwetu mpaka tutendeje woga soni yakuyichisya yakwe mpaka tuleche kumtumichila Yehofa. Ana mpaka atende wuli ŵane pakwalagasya?

Ŵakutumichila ŵajinji ŵa Yehofa, ŵakombwele kupilila ŵane paŵalagasyaga ligongo lyakuti ŵamdalilaga mnope Yehofa. (Sal 18:17) Mwachisyasyo, Esitele jwasasile mwakulimba mtima mapulani gaŵakwete mundu jwakusakala Hamani. (Est 7:​1-6) Nambope jwalakwe mkanatende yeleyi jwalijimile kulya. Yeleyi yalosisye kuti jwamdalilaga mnope Yehofa. (Est 4:​14-16) Yehofa jwatesile yakuti yindu yimjendele chenene Esitele mwamti ŵamkulupwisye pampepe ni ŵandu ŵakwe.

Jemanja ŵachinyamata naga mundu jwine akwalagasya, amŵendeje Yehofa kuti ŵakamuchisye soni amsalileje mundu jwachikulile mpela achinangolo ŵawo yakusawusya yakusimana nayo. Akakayichilaga kuti Yehofa mpaka ŵakamuchisye mpela mwaŵatendele ni Esitele. Ana ni yindu yine yapi yampaka atende ŵandu pakwalagasya?

ALOLELE FIDIYO JAKUTI CHINYAMATA CHANGU—ANA MPAKA NDENDE YAMTULI NAGA ŴANE AKULAGASYA? KANEKO AJANJE YIWUSYO AYI:

• Ana ŵachinyamata mpaka alijiganye chichi kutyochela payindu yaŵasimene nayo Charlie soni Ferin?

  Kwanga

• Ana yaŵaŵechete Charlie soni Ferin mpaka yakamuchisye chamtuli achinangolo pakwakamuchisya ŵanache ŵawo kumanyilila yampaka atende ŵane pakwalagasya?

  Kwanga