U beetaʼal buulin tiʼ máakeʼ jach jeʼel u beetik u muʼyajeʼ. Tsʼoʼoleʼ wa k-chaʼik k-sajakkúuntaʼal tumen le máaxoʼob pʼekmiloʼonoʼ jeʼel tak u xuʼulul k-bisikba yéetel Jéeobaeʼ. ¿Baʼax jeʼel u yáantkech wa táan u beetaʼaltech buulineʼ?

Junpʼéel baʼax jeʼel u yáantkecheʼ letiʼe a kʼáatik u yáantaj Jéeobaoʼ (Sl 18:17). Por ejemploeʼ Estereʼ maʼ tu chʼaʼaj saajkiliʼ yéetel tu yaʼalaj baʼax taak u beetik Amán, juntúul máak u pʼekmaj u kaajal Dios (Est 7:​1-6). Pero antes u beetkeʼ ayunarnaj utiaʼal u yeʼesik ku confiar tiʼ Jéeoba (Est 4:​14-16). Yoʼolal le baʼax tu beetoʼ Jéeobaeʼ tu bendecirtaj yéetel tu kanáantaj Ester bey xan le judíoʼoboʼ.

Wa táan u beetaʼaltech buulineʼ kʼáat u yáantaj Jéeoba. Maʼalob xan ka a tsikbalt tiʼ juntúul máax yiijchajaʼan u tuukul, por ejemploeʼ jeʼel u páajtal a tsikbaltik tiʼ a papá wa tiʼ a maamaeʼ. Maʼ u tuʼubultecheʼ Jéeobaeʼ jeʼel u yáantkech jeʼex tu yáantil Estereʼ. ¿Baʼax uláakʼ jeʼel a beetik wa ku beetaʼaltech buulineʼ?

CHAʼANT LE VIDEO IN KUXTAL TIN PAALIL: ¿BAʼAX JEʼEL U YÁANTKEN KÉEN BEETAʼAKTEN BULLYINGEʼ?, TSʼOʼOLEʼ NÚUK LE KʼÁATCHIʼOBAʼ:

• ¿Baʼax jeʼel u kankoʼob le táankelmoʼob yéetel le x-lóoʼbayanoʼob tiʼ le baʼax tu beetaj Charlie yéetel Ferinoʼ?

  U núukil

• ¿Baʼax ku kaʼansik tiʼ le taatatsiloʼob le videoaʼ?

  U núukil