Tsawˇ haˬ yaw myaˬ gʼaˬ baoˬ jaˆ˗eu deuˬ˗ahˇ nui ma maˬ paˇ taˬ coeˇ˗euˬ heu naˇ, zahˬ leˇ paˬ˗ehˇ maˬ gʼeh˗a. Aˬ jeˬ miˇ neh ehˇ naˇ dzeuˇ laꞈ˗euˬ aˇ yamˬ heu laꞈ kʼoeˇ baoˬ jaˆ˗eu deuˬ yawˬ ha˗euˬ gʼaˇ duˬ, gaˇ dahˇ tsoeˬ ni tehꞈ˗ehˇ zmˬ˗eu miˇ neh meh. (Miˇkaˬ 7:3) Ehˇ kʼawꞈ aˬ dui˗euˬ aˇ muˇ˗ahˇ sheuˬ gʼeh˗eu deuˬ naˇ, aˬ yawꞈ maꞈ jaˆ˗eu jeˬ˗ahˇ Yeˬhawˇbaˬ˗euˬ tsawˇ haˬ deuˬ˗euˬ gʼaˇ duˬ, gaˇ dahˇ tsoeˬ ni zmˬ˗eu miˇ neh guiˬ lahˬ huiˬ dui dui miˇ˗a.—Iˇsaˬtaˆ 10:3; Maꞈtehˬ 20:25, 26.

Aˇ muˇ˗ahˇ sheuˬ gʼeh˗eu deuˬ naˇ miˇ kʼahˬ˗ahˇ uˆ lahˇ˗eu baoˬ jaˆ˗eu deuˬ nehˬ˗ehˇ maˬ duˇ ni, Yeˬhawˇbaˬ hawˇ˗eu Yeˬhawˇbaˬ˗euˬ tsawˇ haˬ deuˬ˗ahˇ gaˬ˗eu miˇ neh sheuˬ gʼeh˗eu tiˬ gʼaˬ pyeuꞈ nya ni leh jeh˗eu meh. (Yoˇhaˬ 21:16; 1 Beˬtuˆluˆ 5:1-3) Yawˇ bo˗eu yaw sahˇ pyeuꞈ˗eu aˇ muˇ˗ahˇ sheuˬ gʼeh˗eu deuˬ, Yeˬsuˇ sheuˬ gʼeh gaˇ mˇ caw˗eu laꞈ kʼoeˇ mehˇ nmˇ deuˬ yawˬ gʼaˬ na luꞈ˗ahˇ, Yeˬhawˇbaˬ˗euˬ nymˇ jiˇ laꞈ kʼoeˇ˗euˬ tiˬ gʼaˬ pyeuꞈ˗eu lehˇ noeˬ leˇ ni maˬ ehˇ, Yeˬhawˇbaˬ nehˬ˗ehˇ gʼoeˇ dzehˬ leˇ ni maˬ ehˇ caw ba nehˬ˗eu meh. Aˬ yawꞈ maꞈ Yeˬhawˇbaˬ˗euˬ yawˇ deuˬ˗ahˇ nui jah paw loˬ˗eu jeˬ nehˬ˗ehˇ taꞈ leˇ˗awˇ maˬ ehˇ, mehˇ nmˇ deuˬ maˬ noeˬ gaˇ laˆ tahˬ laˆ naˇ˗awˇ naˇ gawˇ laˆ saˆ ngeh maˬ ehˇ, uˬ jeˬ jaˬ lehˇ˗euˬ shaˬ zahˬ ya tahˬ puˬ ngeh maˬ ehˇ, kawˇ ma˗ehˇ caw ba nehˬ˗eu meh. Aˬ dui jiˇ caw ba˗eu jeˬ loˬ naˇ, aˇ muˇ˗ahˇ sheuˬ gʼeh˗eu tiˬ gʼaˬ gʼaˬ˗ahˇ ehˇ nehˬ nya˗eu meh.—Yaˬkoˆ 5:14.

Yawˇ maꞈ˗ahˇ bo saˆ nehˬ˗eu yawˇ bo˗eu yaw sahˇ deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Maˬliˬ˗yaˬnaˬ aˇ muˇ˗ahˇ sheuˬ gʼeh˗eu deuˬ˗ahˇ neh aˬ jeˬ caw ba˗eu jeˬ za˗euˬ nga?

  Nawˬ˗euˬ dawˬ kʼoꞈ

• Eˬliˬ˗yaꞈ aˇ muˇ˗ahˇ sheuˬ gʼeh˗eu deuˬ˗ahˇ neh aˬ jeˬ caw ba˗eu jeˬ za˗euˬ nga?

  Nawˬ˗euˬ dawˬ kʼoꞈ

• Biˬdiˬoˬ haw gʼaˬ ngeh tiˬ jawˇ aˇ muˇ˗ahˇ sheuˬ gʼeh˗euˬ deuˬ neh mˇ˗euˬ jeˬ nehˬ˗ehˇ taꞈ leˇ˗awˇ, nawˬ˗ahˇ aˬ joˆ˗ehˇ gʼeh laˇ nya?

  Nawˬ˗euˬ dawˬ kʼoꞈ