ˈAlomanay cowa pakasoˈlin to cifadangalay a tamdaw. Samanen, i nolitenganho, iraayto ko patelas sanay misakadademak to fadangalan a tamdaw. (Mika 7:3) Kawra o kahemekan ita i, likakawa ni Yihofa marariday pahatatanam to malohemay malitengay, misakadademak to fadangalan a padama to finawlan no Kawas.—Istir 10:3; Matay 20:25, 26.

Malohemay malitengay cowa ka hecad tono hekal a tamdaw, tona maolahay cangra ci Yihofaan ato finawlan Ningra, samanen malalokay a mitamorong to tayal no kantok. (Yohani 21:16; 1 Pitiro 5:1-3) Itini sakayat ni Yis, malohemay malitengay malalokay padama to salikaka micada to dihekoay no paro no lomaˈ ni Yihofa, miingid Cingranan. Makahiay cangra pakalalok to kahacecay a siri, ano tahapades i, macalohay a pakayraan i, cowa ka tomerep. Ano misaali kiso to sapadama i, hamaan samisimisiay, talaˈayaw mifanaˈ to malohemay malitengay no kasakopang.—Yakop 5:14.

NENGNENGEN KO IKA CIHARATENG TO SIRI A PAKAENAY, IKOR PACAˈOFEN KO ILAENOAY SALICAY:

• Pafelian no malohemay malitengay ci Mariana to manan sadama?

  O caˈof iso

• Pafelian no malohemay malitengay ci Ayriyas to manan sadama?

  O caˈof iso

• Toniya ika, manan ko maharatengay iso to tayal no malohemay malitengay hani?

  O caˈof iso