Sran sunman be buman be nga be le kwlalɛ’n be wun akunndan kpa. I sɔ’n kusu boman e nuan. Afin kɛ ɔ fɛ i laa lele andɛ’n, be nga be le kwlalɛ’n be faman be kwlalɛ’n yoman like kpa. (Mis 7:3) Sanngɛ asɔnun kpɛnngbɛn’m be liɛ’n be yoman sɔ. Be fa kwlalɛ nga Zoova mannin be’n uka be wiengu mun. I sɔ mɔ be yo’n ɔ yo e fɛ.—Ɛst 10:3; Mat 20:​25, 26.

Kwlalɛ nga asɔnun kpɛnngbɛn’m be le i’n, ɔ nin mɛn nunfuɛ’m be liɛ’n timan kun. Afin be klo Zoova nin i sufuɛ mun, i sɔ’n ti’n be di be junman’n klolɛ su. (Zan 21:16; 1Pi 5:​1-3) Be nian ajalɛ nga Zezi kle be’n su be uka jasin bofuɛ’m be tinuntinun naan be wun be wun fɛ Zoova i awlobo’n nun. Yɛ be uka be naan be nin Zoova be afiɛn mantan kpa. Kɛ ayre yolɛ ndɛ wie tɔ cinnjin’n, annzɛ kɛ sanvuɛsa wie ju’n, be sisiman be bo naan b’a wla Zoova i bua’m be fanngan naan kusu b’a uka be. Sɛ a kunndɛ kɛ be uka ɔ’n, bo su kle amun asɔnun nun lɔ asɔnun kpɛnngbɛn kun.—Zak 5:14.

AN NIAN VIDEO NGA BE FLƐ I KƐ ASƆNUN KPƐNNGBƐN MƆ BE NIAN BUA FA’N I LIKA’N. I SIN’N, AN TƐ KOSAN NGA’M BE SU:

• ?Wafa sɛ yɛ asɔnun kpɛnngbɛn’m be ukali Mariana-ɔ?

  Wafa nga á tɛ́ su’n

• ?Wafa sɛ yɛ asɔnun kpɛnngbɛn’m be ukali Eliasi-ɔ?

  Wafa nga á tɛ́ su’n

• ?Kɛ a wieli video’n nian’n, wafa sɛ yɛ a bu junman nga asɔnun kpɛnngbɛn’m be di’n niɔn?

  Wafa nga á tɛ́ su’n