Mafiñentiña saragu gürigia hawagu ha gabafubaña. Saragu gürigia, yusu hamaali habafu lun hasagarun buiti hóuniwagua. Buídurügüti lau warihini le asuseredubei ubouagu lun wachoururuni ítara liña lan (Mik 7:3). Ma wagundan luagu mítaran lan léibugun katei tidan lóundarun Heowá! Arufudahaali Heowá houn wéiyaaña lidan afiñeni lun hayusuruni habafu lun híderaguniña lílana damuriguaü (Esü 10:3; Mt 20:​25, 26).

Mítarantiña wéiyaaña lidan afiñeni kei gürigia ha gabafubaña ubouagu. Le ínchahabaliña wéiyaaña lidan afiñeni eseriwida, ínsiñeni luagu Heowá luma hawagu íbirigu (Hn 21:16; 1 Fe 5:​1-3). Falá hamuti ladundehan Hesusu ani rútiña ídemuei houn amu, lun buidu lan hasandiragun houngua haganagua ha áhuduragubaña lun Heowá luma lun yarafa hamá lun. Ani aranseñu haña lun híchugun dǘgüdaguaü houn lumutuniña Heowá. Súnwandan giñe aranseñu haña lan lun híderaguniña hábirigu dan le lasuseredun somu liñawan dan o somu sandi sódiniti. Anhein megei hubéi ídemuei, masaminara huméi bián wéiyaasu lubá háluahan ídemuei hama wéiyaaña lidan afiñeni (Snt 5:14).

LÁRIGIÑE HARIHINI BIDÉU WÉIYAAÑA LIDAN AFIÑENI HA ÓUNIGIRUBALIÑA LUMUTUNIÑA HEOWÁ, ÓUNABA HUMÉI ÁLÜGÜDAHANI BURÍ LE:

• Ida liña tasandiragun Mariana tungua lárigiñe híderagunu wéiyaaña lidan afiñeni?

  Óunabagülei

• Ida liña lasandiragun Elíasi lungua lárigiñe híderaguni wéiyaaña lidan afiñeni?

  Óunabagülei

• Lárigiñe harihini bidéu le, ka hisaminanbei luagu hadasin wéiyaaña lidan afiñe?

  Óunabagülei