KHRIHFA NUNNING IN NUNNAK
Jehovah Miphun Ṭhatnak Caah Rian A Ṭuanmi Tuukhal Pawl
Mi tampi cu nawlngeitu pawl cung ah a ṭhatlonaklei in hmuhnak an ngei. A ruang kha kan hngalhthiam. Mi tampi nih anmah ṭhatnak caah an nawlngeihnak kha ningcang loin an hman caah a si. (Mik. 7:3) Khrihfabu ah Jehovah miphun ṭhatnak caah an nawlngeihnak hman ding in cawnpiak a simi Khrihfa upa pawl kan ngeih hna caah kan i lawm tuk.—Es. 10:3; Matt. 20:25, 26.
Khrihfa upa pawl cu vawlei nawlngeitu pawl he an i lo lo. Annih nih hruaitu in rian an ṭuanmi cu Jehovah le a miphun pawl an dawt hna caah a si. (Johan 21:16; 1 Pet. 5:1-3) Jesuh lamhruainak tang ah mah tuukhal pawl nih thawngthanhtu pakhat cio nih Jehovah a biami chungkhar ah kan i tel timi ruahnak an ngeih nakhnga le Jehovah he an i naih peng nakhnga an bawmh hna. Jehovah tuu pawl kha thazaang an pek hna i lakhruak in siithlop an hauh tik asiloah leiser ral a tlun tikah an bawmh colh hna. Nang zong bawmhnak na herh ahcun nan Khrihfabu i Khrihfa upa pawl kha pehtlaihnak na tuah hmasa hna awk a si.—Jeim 5:14.
TUURUN A ZOHKHENHTU TUUKHAL PAWL TIMI VIDEO KHA ZOH LAW MAH BIAHALNAK HNA HI PHI:
-
Mariana cu Khrihfa upa pawl bawmhnak in zeitindah ṭhathnemhnak a hmuh?
-
Elias cu Khrihfa upa pawl bawmhnak in zeitindah ṭhathnemhnak a hmuh?
-
Mah video na zoh hnuah Khrihfa upa pawl an ṭuanmi rian he aa tlaiin zeitindah na ruah?
