A LIBI FU WI ENKE KELESTEN
Sikapuman di e du ala san den poi fu yeepi a foluku fu Yehofa
Somen sama e buuse den sama di abi makiti, ma wa poi mandii den. Bika aini a ten di pasa omen sama di be abi makiti be koboloiki en a wan fowtu fasi (Mika 7:3). Neen meke ai bigi giw taki den e yeepi den owluman fu du ala san den poi fu yeepi a foluku fu Yehofa.—Est 10:3; Mat 20:25, 26.
Den owluman á de enke den sama di abi makiti na a goontapu ya, ma den e du den wooko fu di den lobi Yehofa anga a foluku fi en (Yoh 21:16; 1Pt 5:1-3). Anga yeepi fu Yesesi den owluman e yeepi den peleikiman fu fii taki den de aini a osu fu Yehofa. Den e yeepi den tu fu den tan dini Yehofa. Den nai daaidaai fu gi den sikapu fu Yehofa taanga-sikin. Den e yeepi den te wan gaan ogii pasa a wan peesi efuso te den abi dataa yeepi fanowdu. Ya mu feele fu taki anga wan owluman aini i kemeente te den mu yeepi i anga wan sani.—Yak 5:14.
LUKU A FELON DI DEN E KAI SIKAPUMAN DI E LUKU DEN SIKAPU, DAI PIKI DEN AKISI YA:
-
Fa den owluman yeepi Mariana?
-
Fa den owluman yeepi Elias?
-
Fa ye si den owluman baka di u luku a felon ya?
