NTE CHRISTIAN OKPODUDE UWEM
Mme Ekpemerọn̄ Oro Ẹnamde Se Ẹkekeme Man Ẹn̄wam Mme Erọn̄ Abasi
Ediwak owo ẹsima ndikụt ndudue nnọ mbon oro ẹdade usụn̄. Nnyịn iduọhọke mmọ? Idịghe mfịn ke mbon oro ẹkarade ẹketọn̄ọ ndida odudu oro mmọ ẹnyenede nnam n̄kpọ ke ufọn idemmọ nnyụn̄ nnam n̄kpọ ye mme owo ke idiọk usụn̄. (Mic 7:3) Edi esịt enen̄ede enem nnyịn sia mbiowo ke esop Abasi isidaha odudu oro mmọ ẹnyenede inam n̄kpọ ye ikọt Abasi ke idiọk usụn̄.—Es 10:3; Mt 20:25, 26.
Mbiowo itiehe nte mme andikara ererimbot emi. Mmọ ẹsisịn idem ẹnam utom mmọ ke ntak emi mmọ ẹmade Jehovah ye ikọt esie. (Joh 21:16; 1Pe 5:1-3) Mme ekpemerọn̄ emi ẹsinam se Jesus emi edide ibuot esop oyomde mmọ ẹnam. Mmọ ẹsin̄wam mme asuanetop ẹkop inem ndidu ke ubon Jehovah ẹnyụn̄ ẹkpere Jehovah. Mmọ ẹsisọsọp ẹn̄wam mme erọn̄ oro ẹdọn̄ọde m̀mê mbon oro afanikọn̄ esịmde ẹnyụn̄ ẹsọn̄ọ mmọ idem. Edieke oyomde ẹn̄wam fi, neme mfịna fo ye ebiowo ekededi ke esop mbufo sia mmọ iditreke ndin̄wam fi.—Jas 5:14.
ẸSE VIDIO ORO NDIMA MBIOWO EMI ẸSEDE ẸBAN̄A IKỌT ABASI, EKEM ẸBỌRỌ MME MBỤME EMI
-
Nso ufọn ke Mariana akadia ini mbiowo ẹken̄wamde enye?
-
Nso ufọn ke Elias akadia ini mbiowo ẹken̄wamde enye?
-
Vidio emi anam fi ada utom mbiowo didie?
