Nkorɔfo pii nngye etumfo ahorow no nndzi na ntseasee wɔ mu so. Nyimpa abakɔsɛm ama ada edzi dɛ, sɛ hɔn mu pii nya tum a, wɔdze sisi nkorɔfo. (Mic 7:3) Naaso asafo mu mpanyimfo dze, wɔdze hokwan anaa tum a wɔwɔ wɔ asafo no mu no boa Jehovah n’asomfo, na iyi ma hɛn enyi gye paa.—Es 10:3; Mt 20:​25, 26.

Hɔn a wɔhwehwɛ tum wɔ wiadze no mu no pɛ hɔnankasa hɔn mfaso, naaso asafo mu mpanyimfo nntse dɛm. Asafo mu mpanyimfo dɔ Jehovah na n’asomfo, iyi ntsi wɔhwehwɛ hokwan biara a wobenya no dze boa hɔn nuanom. (Joh 21:16; 1Pe 5:​1-3) Dɛm ahwɛfo yi dze akwankyerɛ a Jesus dze ama hɔn no yɛ edwuma, na wɔhwɛ hu dɛ adawurbɔfo no ahom aka hɔnho na iyi ma hɔn enyi gye dɛ wɔka ebusua a no mufo no som Jehovah no ho. Afei so, wɔboa adawurbɔfo no ma wɔtwe bɛn Jehovah. Iyi da nkyɛn a, wɔhyɛ Jehovah no nguan no nkuran ma wɔkɔ do som no. Afei so, sɛ ayarsa ho asɛm bi soɛr awerɛfir mu anaa atoyerɛnkyɛm bi si a, wɔyɛ ntsɛm boa enuanom. Sɛ ihia mboa bi a, ebɛnadze ntsi na ennye w’asafo mu panyin bi mbɔ ho nkɔmbɔ?—Jas 5:14.

HWƐ VIDEO A WƆATO DZIN AHWƐFO A WƆHWƐ NYANKOPƆN NO NGUAN NO, NA YIYI NSƐMBISA A ODZIDZI DO YI ANO:

• Ebɛnadze na asafo mu mpanyimfo no yɛe dze boaa Akyerɛbaa Mariana?

  Wo mbuae

• Ebɛnadze na asafo mu mpanyimfo no yɛe dze boaa Onua Elias?

  Wo mbuae

• Ehwɛɛ video no, ebɛnadze na isuae faa dwuma ahorow a asafo mu mpanyimfo dzi no ho?

  Wo mbuae