MAIURA NI KRISTIAN
Taani Kawakintiibu Aika Mwakuri Ibukini Kabwaiaia Ana Aomata Iehova
A bati ake a aki onimakinia naake iai mwaakaia ni kairiri. Ti ataa bukin anne. E a kaman nonoraki mangkoa aroia aomata ni kabongana buaka mwaakaia ni kairiri ibukin oini kabwaiaia. (Mi 7:3) Ai kakaitaura ngaira ngkai a kataneiaaki raoi unimwaane n te ekaretia, bwa a na kabongana mwaakaia ni kairiri ibukini kabwaiaia ana aomata Iehova.—Ett 10:3; Mt 20:25, 26.
A kaokoro unimwaane ma taani kairiri n te aonnaba aei, bwa e boto ukeran te mwakuri ni mataniwi irouia man tangiran Iehova ao tangiraia ana aomata. (Io 21:16; 1Be 5:1-3) A buokiia taan uarongorongo n tatabemania nako taani kawakintiibu aikai i aan ana kairiri Iesu, bwa a na namakinna ae a kaaina raoi ana utu Iehova aika taan taromauria, ao a na teimatoa ni kaania. A tatauraoi ni buokiia ana tiibu Iehova ni kaineti ma aia onimaki, ao ngkana a rina naba ni kainnanoa buokaia n aorakia ke ngkana e riki te kabuanibwai ae karina. Ngkana ko kainnanoa buokam, e aera ko aki biririmoa ni maroro ma te unimwaane n am ekaretia?—Iak 5:14.
MATAKU N TE TAAMNEI AE TAANI KAWAKINTIIBU AIKA TABEAKINA TE NANAI, AO IMWINA KAEKAI TITIRAKI AIKAI:
-
E kangaa Mariana ni kakabwaiaaki man aia ibuobuoki unimwaane?
-
E kangaa Elias ni kakabwaiaaki man aia ibuobuoki unimwaane?
-
Tera arom n iangoa aia mwakuri unimwaane man rongorongoia naakai?
