GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Gbò Kùdẽe Ló E Bà Gé Sí Tóm Ea É Léé Ló Gbò Gyóòlo Jìhóvà
Gã́bug nen ólò tú pọ́lọ́ dẽe ẹ̀bmà gbò e bà ié kpóó lẹ̀ẹ̀là bel. È dã́à ból ló nú ea náa à dì naa vó. Gã́bug nen a tú ba kpóó lẹ̀ẹ̀là bel siimá tóm mm̀ pọ́lọ́ bá vaá naamá nú ea é léé ló áá ọ̀và. (Máí. 7:3) Nyíéi palàge ẹẹ kọọ̀ bà ólò bumá gbò kànen mm̀ bõ̀ònatõ̀ò kọ bàá tú ba kpóó lẹ̀ẹ̀là bel siimá tóm mm̀ sĩ́deè ea é léé ló gbò níí Jìhóvà—Ẹ́stà 10:3; Máát. 20:25, 26.
Gbò kànen mm̀ bõ̀ònatõ̀ò dú kele ló gbò e bà íe kpóó lẹ̀ẹ̀là bel mm̀ nakà bàlà booí, bà ólò sí ba tóm dì belí gbò kùdẽe ló, boo béè vulè e bà íe kilma ló Jìhóvà nè pá a gbò. (Jọ́ọ̀n 21:16; 1 Pít. 5:1-3) Kèbá tùle ea aa bá Jíízọ̀s, gbò kùdẽe lóí ólò nvèè bá nè buù nen ea di mm̀ bõ̀ònatõ̀ò kọ bàá ié dĩ̀ìnè ló, nè ge naa kọ bàá nyimá kọ bà dṹùnàè pá tọọ̀ Jìhóvà vaá láá tõo bã̀é kpàn. Bà ólò vàlẹ̀ bá siè kpóó ló gbò gyóòlo Jìhóvà vaá nvèè bá nè va tṍó e bà íe bùló zọ̀ ló, àbèè tṍó e búùló kyọ̀àsĩ́ nu nááá. Be ò íè bíi ló nvèè bá, òó láá tú nèà deèá gbĩimá nvèè bá lọl bá neǹ kànen mm̀ bọọ bõ̀ònatõ̀ò—Jém̀z 5:13.
Ẹ̀B VÍDIÒ EA KỌLÀ GBÒ KÙDẼE LÓ E BÀ ÓLÒ Ẹ̀B NÚ EA KIL LÓ GBÒ GYÓÒLO BÀRÌ, VAÁ Ò GBÓÓ AALÁ NAGBÒ BÍBVÍ:
-
Mósĩ́ deè ní e Mariana beè ié bélè lọl ló nvèè bá ea aa bá gbò kànen ẽ́?
-
Mósĩ́ deè ní e Elias beè ié bélè lọl ló nvèè bá ea aa bá gbò kànen ẽ́?
-
Mósĩ́ deè ní e gbò nú e ba beè tení bá tọ́á ló bé eo ẹbvì tóm e gbò kànen gé sí naa ẽ́?
