Mayuh orang enda pechayaka orang ke bekuasa. Bisi kebuah sida iya berunding baka nya. Mayuh orang ngena kuasa sida enggau chara ti salah. (Mik 7:3) Kitai amat beterima kasih bala tuai gempuru ba raban gempuru dilatih ngena kuasa sida bebendar bekereja nulung bala nembiak Jehovah.—Est 10:3; Mat 20:​25, 26.

Tuai gempuru bebida ari orang ke bekuasa ba dunya tu. Sida ngereja pengawa sida ketegal sida rinduka Jehovah enggau nembiak Iya. (Jhn 21:16; 1Pe 5:​1-3) Nitihka iring Jesus, bala tuai gempuru nulung tiap iku menyadi ngasaika diri sebagi ari ruang bilik Jehovah sereta mengkang semak ngagai Iya. Sida iya enggau jejampat meri peransang ngagai bedus Jehovah sereta meri tulung lebuh penanggul ba pengerai ti ngenyit nyadi tauka maya bisi bencana alam. Enti nuan begunaka tulung, anang malu madah ngagai tuai gempuru ba raban gempuru nuan.—Jas 5:14.

PEDA VIDEO PENGIBUN TI NYAGA RABAN BEDUS, LALU SAUT TANYA TU:

• Nama penguntung ke diasaika Mariana lebuh iya ditulung bala tuai gempuru?

  Saut nuan

• Nama penguntung ke diasaika Elias lebuh iya ditulung bala tuai gempuru?

  Saut nuan

• Pengudah meda video tadi, nama asai ati nuan pasal pengawa tuai gempuru?

  Saut nuan