ƐGƐ NƐ ĀCƐ O YƐCE UKRAIST GĒ LĀ OYEEYI
Acogbaala Nōo Gē Yuklɔ Lɔfu Lɔfu Ō Je Otabɔ Lɛ Ācɛ Ɔlɛ Ujehofa
Ācɛ alɛwa icɛ i gē kpɔtuce ācɛ nōo lɛ íkwu a ŋ. Alɔ jé ɔdā nōo ya ɛɛ nōo lɛ a. Ācɛ alɛwa humayi bi íkwu néē lɛ a le yuklɔ ɔwɛ obɔbi o ya ɛɛ kéē lɛ itene ku abɔyi uwa foofunu. (Umáy. 7:3) Ó wɛ ɔdā olɔhi nɛhi ō lɛ anyakwɔcɛ ku ujɔ néē lɛ ɛlā nwu uwa, kéē bi íkwu ku uwa le yuklɔ olɔhi nōo gē je otabɔ lɛ ācɛ ɔlɛ Ujehofa.—Ɛ́sta 10:3; Umát. 20:25, 26.
Anyakwɔcɛ ku ujɔ nyā i lɛbɛɛka ācɛ nōo bi íkwu ipu ɛcɛ nyā icɛ a ŋ, anyakwɔcɛ ku ujɔ gē yuklɔ ku uwa ohigbu ihɔtu néē lɛ Ujehofa mla ācɛ ɔlɛ nu a. (Ujɔ́n. 21:16; 1 Upít. 5:1-3) Ɛhaajɛ íkwu ku Ujisɔsi, anyakwɔcɛ ku ujɔ gē ya ku ɔtu ku eyeeye ku ācɛ ō tɔɔna Ɛlā Ɔwɔico kóō yɔ ɛbɔ ku é klla yɔ kwu Ujehofa ajaajɛ. É gē je ɔtu ō tu kwu ɔtu lɛ aala ku Ujehofa fiyaa fiyaa. É klla gē ta uwa abɔ eko néē lɛ unwalu ku ɔkpiye acigili amāŋ eko nɛ amiya le ya. Ɔdaŋ ku a cɛgbá otabɔ, le eko taajɛ ku a lɛ ɛlā ka mla ɔnyakwɔcɛ ku ujɔ ku uwɔ.—Ujɛ́m. 5:14.
LƐ UVIDIO NYĀ MAFU NŌO KAHINII: ACOGBAALA NŌO GĒ LEYIKWU AALA, CƐƐ AA LƐ ƆKA NŌO BA NYĀ CILA:
-
Ɛgɛnyá nɛ u Mariana lɛ itene ŋma otabɔ nɛ anyakwɔcɛ ku ujɔ je lɛ ɔ a?
-
Ɛgɛnyá nɛ u Elias lɛ itene ŋma otabɔ nɛ anyakwɔcɛ ku ujɔ je lɛ ɔ a?
-
Igbihi nɛ a má uvidio nyā, ɛgɛnyá nɛ ɔtu ya uwɔ lɛyikwu uklɔ nɛ anyakwɔcɛ ku ujɔ gē ya a?
