ماسىحشىلىك ٶمىرىمىز
قۇداي حالقىنىڭ يگىلىگى ٷشىن قام جەيتىن باعۋشىلار
كوبىسى بيلىگى بار ادامدار جايلى جاقسى ويدا ەمەس. بۇل تۇسىنىكتى-اق. تاريح بويى ادامدار بيلىكتەرىن ٶز پايداسى ٷشىن تەرىس قولدانىپ كەلەدى (ميح 7:3). ال قاۋىمدا اقساقالدارىمىز وزدەرىنە بەرىلگەن بيلىكتى قۇداي حالقىنىڭ قامى ٷشىن قولداناتىنىنا ٴبىز سونداي ريزامىز! (ەست 10:3؛ مت 20:25، 26)
وسى دۇنيەدەگى بيلىك يەلەرىنەن ايىرماشىلىعى، اقساقالدار ٶز مىندەتتەرىن ەحوبانى جانە ونىڭ حالقىن جاقسى كورگەندىكتەن اتقارادى (جح 21:16؛ پت1ح 5:1—3). يسانىڭ قول استىنداعى بۇل باعۋشىلار ٵر جاريالاۋشىعا ەحوبانىڭ وتباسىندا ٶزىن جايلى سەزىنۋگە جانە وعان جاقىن بولىپ قالۋعا كومەكتەسەدى. مەديسينالىق شۇعىل كومەك قاجەت بولعاندا نە قانداي دا ٴبىر اپات ورىن العاندا، باعۋشىلار ەحوبانىڭ قويلارىنا جىگەر بەرىپ، كومەك كورسەتۋگە اسىعادى. ەگەر سىزگە دە كومەك قاجەت بولسا، ەش قىسىلماي، قاۋىمىڭىزداعى اقساقالداردىڭ بىرىنە جولىعىڭىز (جق 5:14).
«ەحوبانىڭ وتارىن قامقورلايتىن باعۋشىلار» دەگەن ۆيدەونى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
ماريانا اقساقالدار كورسەتكەن كومەكتىڭ قانداي يگىلىگىن كوردى؟
-
ەلياس اقساقالدار كورسەتكەن كومەكتىڭ قانداي يگىلىگىن كوردى؟
-
وسى ۆيدەوداعى وقيعالارعا قاراپ، اقساقالداردىڭ ەڭبەگى جايلى نە ويلايسىز؟
