KRISTUMIUTUT INUUNEQ
Paarsisut Jehovap innuttaanik ikiuilluarumallutik sulisut
Inuppassuit oqartussaassusilinnik tatiginninngillat. Tamanna tupinnanngilaq qangarsuaaniilli oqartussaassutsimik atornerluisoqartarsimammat. (Mi 7:3) Qujamasuutigeqaarput utoqqaanertat ilagiinniittut ilinniartinneqarsimammata oqartussaassusertik Jehovap innuttaanut iluaqutaasumik atussagaat. – Est 10:3; Mt 20:25, 26.
Utoqqaanertat silarsuarmi matumani oqartussaassusilinnit allaanerupput. Nakkutilliisutut sulipput Jehova taassumalu innuttai asagamikkit. (Joh 21:16; Pe1 5:1-3) Jiisusi siulersuisoralugu paarsisut taakkua oqaluussisartut tamaasa immikkut Jehovap ilagiissaani toqqissisimatinniartarpaat Jehovamullu qanittuarnissaannut ikiortarlugit. Anersaakkut isumassuiniapallattarput nakorsartittoqartariaqaleraangallu ajunaarnersuaqartillugulu ikiuisarlutik. Illit ikiorneqartariaqaruit ilagiinni utoqqaanertanut attaveqarina. – Ja 5:14.
ISIGINNAAGASSIAQ HYRDER DER VISER OMSORG FOR HJORDEN ISIGINNAARIARLUGU APEQQUTIT UKU AKIKKIT:
-
Marianap utoqqaanertanit ikiorneqarnini qanoq iluaqutigaa?
-
Eliasip utoqqaanertanit ikiorneqarnini qanoq iluaqutigaa?
-
Taakkua misigisaat takoreerlugit utoqqaanertat sulinerat qanoq isigaajuk?